Glasgow
Dit artikel is gesjreve (of begós) in 't Remunjs.
Laes hie wie v'r mit de versjillende saorte Limburgs ómgaon.
Glasgow (Sjots-Gaëlisch: Glaschu, Sjots: Glesca of Glesga) is de grótste sjtad van Sjotlandj en de op twee nao grótste sjtad van Groot-Brittannië. Glasgow is es zodanig ein van de lieutenancy areas en e raodsgebied.
De sjtad is ein van de belangriekste industrie- en hanjelssjtej mit ónger angere grote sjeepswerve. Boetedet is 't e good oetgangspuntj es men 't wèste van Sjotlandj wilt lere kènne. 't Heel sjnel toegenómme aantal inweuners bewies waal de aantrèkkingskrach van Glasgow. De litste 25 jaor laote aevel 'nen truukgank zeen in 't inweuneraantal.
De ganse sjtad is, aafgezeen van e klein aantal boewwirke (wie de Glasgow Cathedral) e produk van de litste tweehóngerd jaor. Van besjlissende beteikenis veur de grui van de sjtad waas 't oetbagkere van de Clyde tót 'n have wo ouch de grótste sjeper binne kinne loupe. Tweehóngerd jaor truuk kós men de reveer bie eb nog te voot euversjtaeke. 't Feit det in de ómgaeving kaole en iezererts ligk dreug bie aan de economische blui.
This article uses material from the Wikipedia Limburgs article Glasgow, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.