Esperanto-Asocio De Skotlando
La Esperanto-Asocio de Skotlando (EAS) (Skotgaele Comann Esperanto na h-Alba, angle Esperanto Association of Scotland) estas la oficiala esperantista asocio en Skotlando, grandparte el Motherwell, Norda Lanarkshire.
| Esperanto-Asocio de Skotlando | |
|---|---|
| Comann Esperanto na h-Alba Esperanto Association of Scotland | |
 | |
| Lando |  Skotlando |
| Tipo | landa/regiona Esperanto-asocio |
| Fondiĝo | 1906 |
| Interretejo | www |
Agadoj
La revuo de EAS, Esperanto en Skotlando, aperas dufoje en la jaro. Ĉiujare la EAS organizas la Skotan Aŭtunan Studrondon en septembro, kiu dum multaj jaroj okazis en la urbeto Dunblane sed nun okazas en Glasgovo aŭ Edinburgo, kaj kutime nun ĉe la fino de novembro organizas ĉiujaran Zamenhof-feston, kiun la asocio emas reklami kiel la “unuan Zamenhof-feston de la jaro„.
Kongresoj
EAS havas la plej grandan kvanton da kongresoj en Esperantujo, ĉar ĝi okazigis kongreson ĉiujare, eĉ dummilite. Nuntempe la ĉiujara Skota Kongreso de Esperanto normale okazas en junio:
| SKE | Datoj | Urbo | Rimarkoj |
|---|---|---|---|
| 116-a | 2021-05-29 | Virtuala | Virtuala kaj nur unutaga pro kronviruso |
| 115-a | 2020-05-30 | Virtuala | Virtuala kaj nur unutaga pro kronviruso |
| 114-a | 2019-05-17 - 20 | Carnwath | |
| 113-a | 2018-06-15 – 18 | Perth | |
| 112-a | 2017-05-19 – 22 | Edinburgo | kuna kongreso kun la Esperanto-Asocio de Britio |
| 111-a | 2016-06-10 – 12 | Glasgovo | |
| 110-a | 2015-06-05 – 08 | Helensburgh | |
| 109-a | 2014-06-06 – 11 | Pitlochry | kun kaj samtempe kiel la Unua Tutkelta Kongreso de Esperanto |
| 108-a | 2013-06-07 – 10 | Linlithgow | |
| 107-a | 2012-04 | Edinburgo | kun kaj samtempe kiel la 93-a kongreso de la Esperanto-Asocio de Britio |
| 106-a | 2011 | Lockerbie | |
| 105-a | 2010 | Berwick-upon-Tweed | |
| 104-a | 2009 | Dundee | |
| 103-a | 2008 | Inverness | |
| 90-a | 1995 | Hamilton | kune kaj samtempe kiel la kongreso de la Esperanto-Asocio de Britio |
Estraro
La nuntempaj membroj de la estraro estas:
- Prezidanto: Simon Varwell
- Vicprezidanto: Duncan Thomson
- Sekretario: David Bisset
- Kasisto: Ed Robertson
Historio
EAS fondiĝis en 1906 sub la nomo “Skota Federacio Esperantista„ sed lokaj kluboj de Esperanto-parolantoj jam ekzistis en Glasgovo kaj Edinburgo depost 1903. Ĝi alinomiĝis en 1997 por respeguli la ŝanĝantan rilaton inter Skotlando kaj la cetero de la Unuiĝinta Reĝlando.
Referencoj
Eksteraj ligiloj
This article uses material from the Wikipedia Esperanto article Esperanto-Asocio de Skotlando, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.