Biolojia

Esta es la article supra biolojia. La categoria Biolojia conteni plu articles supra biolojia.

Lo studia la carateres e la partes de organismes vivente o pasada, como los ia deveni esistente, e cual interatas los ave con la ambiente. La biolojia ave alga ramos cual on regarda comun como siensas nondependente.

La terma biolojia deriva de la parola elinica βίος, bios, "vive" e la sufisa -λογία, -logia, "studia de." La forma en latina de la terma ia apare prima en 1736 cuando la siensiste Carl Linnaeus (Carl von Linné) ia usa biologi en sua Bibliotheca botanica. Lo ia es usada denova en 1766 en un obra titulida Philosophiae naturalis sive physicae: tomus III, continens geologian, biologian, phytologian generalis par Michael Christoph Hanov, un disiplo de Christian Wolff.

Teoria selulal

La teoria selulal afirma ce la selula es la uni fundal de vive, ce tota la viventes es composada de un o plu selulas, e ce tota selulas resulta de otra selulas tra divide selulal. En la organismes multiselulal, cada selula en la corpo de la organisme deriva ultima de un sola selula en un zigoto. La selula es ance considerada como la uni fundal en multe prosedes patolojial. En ajunta, la fenomeno de flue de enerjia aveni en selulas en prosedes cual es parte de la funsiona conoseda como metaboli. A fini, la selulas conteni informa erital (Adn), cual es pasada de un selula a otra en la divide de selulas. Rexerca en la orijina de vive, abiojenese, es nun atenta de descovre la orijina de la selulas prima.

• Bateria
• Arcea
• Eucariota
  • Protista
  • Fungo
  • Planta
  • Animal, pe...
    • Inseto
    • Pex
    • Amfibia
    • Retil
    • Avia
    • Mamal
• Arbor filojenetical de vive
• Selula
• Jeolojia
• Ecolojia

This General article is a Stub. Help Wikipedia by EXPANDING IT.