La Bioluggìa (dû grecu βίος, bìos = vita e λόγος, lògos = ntô senzu di studiu) è lu studiu scintìficu dâ vita e dî urganismi viventi.
Si tratta dû studiu dî carattirìstichi fìsichi, cumpurtamintali e dû sviluppu dî urganismi viventi, li sò urìggini e li ntirazzioni chi asìstinu ntra iddi e li sò ammienti.
Li scienzi biològgichi cumprènninu: Bioluggìa ginirali; Bioluggìa spiciali e Bioluggìa Appricata.
La bioluggìa ginirali studia l'urganismi viventi (e cumprenni fisioluggìa, citoluggìa, istoluggìa, embrioluggìa, anatumìa, biofìsica, biochìmica, ecc), li soi rapporti cu l'ammienti e l'àutri urganismi (ecoluggìa) e câ discinnenza (la ginètica). Na vranca mpurtanti dâ bioluggìa ginirali è la bioluggìa muliculari (chi studia l'urganismu cu rispettu â struttura dî mulèculi chi lu fòrmanu comu l'àciti nuclèici e li pruteini) e la ncignirìa ginètica chi cunzenti di custruiri urganismi giniticamenti mudificati (OGM) chi prisèntanu carattirìstichi diversi rispettu a chiddi naturali.
La bioluggìa spiciali studia 'n manera siparata l'armali (Zuoluggìa) e li chianti (Butànica).
La bioluggìa appricata studia l'èssiri viventi 'n rapportu câ midicina, l'agricultura, la pisca e l'autri nnustrî di sti gènira.
This article uses material from the Wikipedia Sicilianu article Bioluggìa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.