Rouen
Dinas yn Normandi yng ngogledd-orllewin Ffrainc yw Rouen.
Hi oedd prifddinas hanesyddol Normandi, ac mae'n brifddinas région Normandi a département Seine-Maritime. Saif ar Afon Seine. Yn 2007, roedd poblogaeth yr ardal ddinesig yn 541,410, ac amcangyfrifwyd fod poblogaeth y ddinas ei hun yn 109,000.
 | |
 | |
| Math | cymuned, dinas fawr  |
|---|---|
| Poblogaeth | 114,083 |
| Pennaeth llywodraeth | Nicolas Mayer-Rossignol |
| Cylchfa amser | UTC+01:00, UTC+2 |
| Gefeilldref/i | |
| Daearyddiaeth | |
| Sir | Seine-Maritime |
| Gwlad | Ffrainc |
| Arwynebedd | 21.38 km² |
| Uwch y môr | 10 metr |
| Gerllaw | Afon Seine |
| Yn ffinio gyda | Le Petit-Quevilly, Sotteville-lès-Rouen, Bihorel, Bonsecours, Bois-Guillaume, Canteleu, Darnétal, Déville-lès-Rouen, Le Grand-Quevilly, Mont-Saint-Aignan, Saint-Léger-du-Bourg-Denis, Saint-Martin-du-Vivier |
| Cyfesurynnau | 49.4431°N 1.1025°E |
| Cod post | 76000, 76100 |
| Swydd pennaeth y Llywodraeth | Maer Rouen |
| Pennaeth y Llywodraeth | Nicolas Mayer-Rossignol |
Sefydlwyd Rouen fel Ratumacos gan lwyth Celtaidd y Veliocassi. Galwai'r Rhufeiniaid y ddinas yn Rotomagus. Wedi i dalaith Gallia Lugdunensis gael ei rhannu'n ddau dan yr ymerawdwr Diocletian, daeth Rouen yn brifddinas Gallia Lugdunensis II.
O 912, Rouen oedd prifddinas Dugiaeth Normandi ac yno yr oedd Dugaid Normandi yn byw hyd nes i Gwilym Goncwerwr adeiladu castell yn Caen. Yn ystod y Rhyfel Can Mlynedd, ildiwyd y ddinas i'r Saeson yn 1419. Yma y llosgwyd Jeanne d'Arc ar 30 Mai, 1431. Cipiodd y Ffrancod y ddinas yn ôl yn 1449.
Adeg y Rhyfel Byd Cyntaf roedd Rouen yn ganolfan cyflenwadau bwysig, ac yr oedd yno nifer o ysbytai milwrol.
Adeiladau
Pobl o Rouen
- Edward IV (1442–1483), brenin Lloegr
- Pierre Corneille (1606–1684), dramodydd
- Nicolas Lemery (1645–1715), cemegydd
- Jean Jouvenet (1647–1717), arlunydd
- Gustave Flaubert (1821–1880), nofelydd, awdur Madame Bovary
- Marcel Dupré (1886–1971), organydd a chyfansoddwr
- François Hollande (ganed 1954), gwleidydd ac Arlywydd Ffrainc
- David Trezeguet (ganed 1977), pêl-droediwr
Dolenni allanol
- (Ffrangeg) Gwefan Swyddogol Rouen
This article uses material from the Wikipedia Cymraeg article Rouen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.