Meuryn Robert John Rowlands: Newyddiadurwr, llenor, bardd, darlithydd, pregethwr
Bardd, nofelydd, awdur plant a newyddiadurwr o Gymro oedd Robert John Rowlands (20 Mai 1880 – 2 Tachwedd 1967), a oedd yn adnabyddus fel awdur dan ei enw barddol Meuryn.
Roedd yn arloeswr ym myd llenyddiaeth Gymraeg i blant.
| Robert John Rowlands | |
|---|---|
| Ffugenw | Meuryn  |
| Ganwyd | 20 Mai 1880 Abergwyngregyn |
| Bu farw | 2 Tachwedd 1967 |
| Dinasyddiaeth |  Cymru |
| Galwedigaeth | bardd, newyddiadurwr |
| Plant | Eurys Ionor Rowlands |
Bywgraffiad
Ganed R. J. Rowlands yn Abergwyngregin, ger Bangor, yn yr hen Sir Gaernarfon (Gwynedd heddiw) ar 20 Mai 1880 yn fab i William a Mary Rowlands. Cafodd ei addysg gynnar yn Ysgol Genedlaethol Aber. Dechreuodd ar ei yrfa fel newyddiadurwr yn 1901 dan Isaac Foulkes ar staff Y Cymro (yn Lerpwl y pryd hynny) cyn dychwelyd i Gymru a chael swydd golygydd ar Yr Herald Cymraeg yng Nghaernarfon yn 1921. Arosodd yno am 33 o flynyddoedd hyd ei ymddeol yn 1954.
Bu farw yn 1967. Roedd yn dad i'r ysgolhaig Eurys Ionor Rowlands.
Gwaith llenyddol
Dan yr enw Meuryn daeth i sylw Cymry llengar fel nofelydd o 1902 ymlaen. Enillodd Gadair yr Eisteddfod Genedlaethol yn 1921 gyda'i awdl 'Min y Môr'. Cyhoeddodd nifer o lyfrau i blant hŷn a chyfres o nofelau dirgelwch poblogaidd. Fel beirniad ar ymrysonau barddol y BBC daeth yn ffigwr cyfarwydd yn y diwylliant Cymraeg; daw'r gair 'meurynnu', sef beirniadu a barnu cerddi mewn ymryson, o'i enw barddol a chyfeirir at y beirniad ei hun fel 'y meuryn' yn ogystal.
Fe'i cofir yn bennaf am ei lyfrau plant a'i nofelau dirgelwch. Gwelir tair thema amlwg yn ei waith, sef antur, natur a dirgelwch. Lleolir rhai o'i lyfrau gorau yng nghefn gwlad Cymru a rhydd ei nofelau dirgelwch a ditectif ddarlun o gymdeithas y Gogledd Cymru wledig ganol yr 20g. Roedd wrth ei fod ym myd natur ac yn arbennig bryniau a chymoedd y Carneddau yn Eryri. Yn ei deyrnged iddo meddai ei gyfaill a chyd-newyddiadurwr E. Morgan Humphreys,
- Ymhyfrydai ym myd natur, ac yr oedd yn adnabod pob aderyn a oedd yn ehedeg yn awyr bro ei febyd, Aber ger Bangor. Roedd wedi darllen llawer hefyd am bob math o greaduriaid estronol - nid rhyfedd i Feuryn ddod yn adnabyddus fel awdur cyfrolau o storïau am wylltfilod yn ddiweddarach.
Llyfryddiaeth
Gweithiau Meuryn
- Dyrysu Dau Fywyd (Caernarfon, 1902). Nofela.
- Y Trysor Pennaf (Caernarfon, 1903)
- Swynion Serch (Lerpwl, 1906). Cerddi.
- Ar Lwybrau Antur (Hughes a'i Fab, Wrecsam, 1926)
- Anturiaethau (Gwasg y Brython, Lerpwl, 1944)
- Y Barcud Olaf (Gwasg y Brython, Lerpwl, 1944)
- Dirgelwch Hendre Galed (Gwasg y Brython, Lerpwl, 1944)
- Yn Nanned Peryglon (Gwasg Aberystwyth, 1945)
- Chwedlau'r Meini (Gwasg Gee, Dinbych, 1946)
- Y Gelli Bant (Gwasg y Brython, Lerpwl, 1946)
- O Berygl i Berygl (Gwasg y Brython, Lerpwl, 1946)
- Y Rhaff a'r Neidr (Gwasg Gwenllyn, Caernarfon, 1947)
- Dirgelwch Plas y Coed (Gwasg Aberystwyth, Aberystwyth, 1948)
- Ellyllon y Coed (Gwasg Aberystwyth, Aberystwyth, 1949)
- Ar Goll (Gwasg Aberystwyth, Aberystwyth, 1957)
Astudiaeth
- Gwynn Jones, 'R. J. Rowlands (Meuryn)' yn, Mairwen a Gwynn Jones, Dewiniaid Difyr (Gwasg Gomer, 1983).
Cyfeiriadau
This article uses material from the Wikipedia Cymraeg article Robert John Rowlands (Meuryn), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.