David Cameron: Prif Weinidog y Deyrnas Unedig o 2010 i 2016
Gwleidydd Seisnig yw David William Donald Cameron, Arglwydd Cameron o Chipping Norton (ganwyd 9 Hydref 1966) sy'n Ysgrifennydd Tramor ers Tachwedd 2023.
Cyn hynny bu'n Brif Weinidog y Deyrnas Unedig rhwng 2010 a 2016 ac Arweinydd y Blaid Geidwadol rhwng 2005 a 2016. Roedd Cameron yn AS dros Witney rhwng 2001 a Medi 2016. Mae'n dod o ddinas Llundain, Lloegr.
| Y Gwir Anrhydeddus Arglwydd David Cameron o Chipping Norton PC | |
.jpg)
| |
Ysgrifennydd Tramor | |
| Deiliad | |
| Cymryd y swydd 13 Tachwedd 2023 | |
| Rhagflaenydd | James Cleverly |
|---|---|
| Cyfnod yn y swydd 11 Mai 2010 – 13 Gorffennaf 2016 | |
| Rhagflaenydd | Gordon Brown |
| Olynydd | Theresa May |
| Geni | 9 Hydref 1966 Llundain |
| Etholaeth | Witney |
| Plaid wleidyddol | Ceidwadwol |
| Priod | Samantha Sheffield |
Mae Cameron yn fab ieuengaf i Ian Donald Cameron (1932-2010), brocer stoc, a'i wraig Mary Fleur (née Mount, ganwyd 1934, ynad heddwch, yn ferch i Syr William Mount, 2il Barwnig). Cafodd ei addysg yng Ngholeg Eton. Astudiodd Cameron Athroniaeth, Gwleidyddiaeth, ac Economeg yng Ngholeg y Trwyn Pres, Rhydychen.
Cyhoeddodd y byddai'n sefyll lawr fel Prif Weinidog ac arweinydd y Blaid Geidwadol ar 24 Mehefin 2016 unwaith i'r blaid ethol arweinydd newydd. Roedd disgwyl i hyn ddigwydd erbyn mis Medi 2016 ond gan mai Theresa May oedd yr unig ymgeisydd ar ôl yn y gystadleuaeth fe'i hetholwyd yn arweinydd newydd ar 11 Gorffennaf 2016. Dyletswydd olaf Cameron oedd cymryd rhan yn sesiwn Cwestiynau i'r Prif Weinidog ganol ddydd ar 13 Gorffennaf 2016, cyn iddo deithio i Balas Buckingham i gynnig ei ymddiswyddiad i'r Frenhines.
Ym mis Medi 2016, ymddiswyddodd o'i rôl fel Aelod Seneddol gan ddweud nad oedd am "dynnu sylw oddi ar y penderfyniadau pwysig sy'n wynebu fy olynydd yn Stryd Downing a'r llywodraeth".
Dychwelodd i'r Llywodraeth ar 13 Tachwedd 2023 gan ymuno a chabinet Rishi Sunak fel Ysgrifennydd Tramor. Am nad oedd yn aelod seneddol, fe'i ddyrchafwyd i Dy'r Arglwyddi.
Dolenni allanol
- (Saesneg) Gwefan swyddogol Archifwyd 2006-04-24 yn y Peiriant Wayback.
| Senedd y Deyrnas Unedig | ||
|---|---|---|
| Rhagflaenydd: Shaun Woodward | Aelod Seneddol dros Witney 2001 – 12 Medi 2016 | Olynydd: Robert Courts |
| Swyddi gwleidyddol | ||
| Rhagflaenydd: Gordon Brown | Prif Weinidog y Deyrnas Unedig 11 Mai 2010 – 13 Gorffennaf 2016 | Olynydd: Theresa May |
| Swyddi gwleidyddol pleidiol | ||
| Rhagflaenydd: Michael Howard | Arweinydd y Blaid Geidwadol 6 Rhagfyr 2005 – 11 Gorffennaf 2016 | Olynydd: Theresa May |
Cyfeiriadau
This article uses material from the Wikipedia Cymraeg article David Cameron, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.