Koupenhage
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Koupenhage (Deens: København) is de houfstad van Denemark. In 2011 talj de gemèndje Koupenhage 548.443 inwoeaners, womit 't de grótste gemèndje van Denemark is. Koupenhage is wiejer de centraal stad in 't versteielik gebied Hovedstadsområdet mit 1.230.728 inwoeaners, óngevieër ei viefdje vanne gans bevölking van Denemarke. De metropool Groeat-Koupenhage tèltj 1.967.727 inwoeaners.
Koupenhage ligk ane oeaskus van 't eilandj Sjælland en op 't eilandj Amager. De stad ligk ane Sont (Øresund). Anen euverkantj van dees zieëstraot ligk de Zweedse stad Malmö, die saer 2000 mit Koupenhagen is verbónje dore Sontbrögk. Naeve parlementsstad is Koupenhagen ouch 't cultureel en ikkenomisch centrum van Denemark.
De stad woort gestif inne Middelieëven en woort aan 't ènj van daen tied de houfstad van Denemark. De naam Koupenhage geitj trögk op Købmandshavn, det "koupmanshave" mèntj. De benaming "koupmanshave" is aevel gein accuraat ómsjrieving vanne stad: Koupenhagen is gein havestad mieër en ouch de industrie is gooddeils vertróch. Allewiel is Koupenhage veurnamelik 'n deenstestad. Op 't Letien is de naam vanne stad Hafnia, 'ne naam dae in 1923 ouch aan 't sjemisch element hafnium woort verbónje.
This article uses material from the Wikipedia Limburgs article Koupenhage, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.