میڵی بۆبی بڕاون: خانمەئەکتەرێکی بەڕیتانی

کارە سەرەتایییەکانی میڵی بریتی بوون لە ڕۆڵی میوان لە تەلەڤیزیۆن. لە تەمەنی دوازدە ساڵیدا، ناوبانگێکی گەورەی پەیداکرد بە ڕۆڵی جەین «ئیلێڤن» ئایڤس لە وەرزی یەکەمی زنجیرەی نێتفلیکسی خەیاڵی زانستیی شتە نامۆکان (٢٠١٦–ئێستا)، کە نوێ کراوەتەوە بۆ چوار وەرزی دیکە. بۆ بەرجەستەکردنی ئیلێڤن دوو جار پاڵێوراوە بۆ خەڵاتی ئێمی پڕایم تایم بۆ باشترین خانمەئەکتەری پاڵپشت لە زنجیرەیەکی درامی لە ٢٠١٧ و ٢٠١٨ و دوو جار بۆ خەڵاتی ڕێکخراوی ئەکتەرەکانی شاشە بۆ باشترین نواندنی خانمەئەکتەرێک لە زنجیرەیەکی درامی لە ٢٠١٧ و ٢٠١٨، کە کردییە یەکێک لە گەنجترین پاڵێوراوەکان بۆ خەڵاتەکە. لەگەڵ کاستی سەرەکیی شتە نامۆکاندا، خەڵاتی ڕێکخراوی ئەکتەرەکانی شاشەی بۆ باشترین نواندن لەلایەن کۆمەڵێکەوە لە زنجیرەیەکی درامی بردەوە لە ٢٠١٧.

میڵی بۆبی بڕاون
میڵی لە ٢٠٢٢
لەدایکبوون	(٢٠٠٤-٠٢-١٩) ١٩ی شوباتی ٢٠٠٤ (تەمەن ٢٠ ساڵ) ماڕبێڵا، ئیسپانیا
نەتەوە	بەڕیتانی
پیشە	خانمەئەکتەر بەرھەمھێنەر
چالاکبوون	٢٠١٣–ئێستا

میڵی یەکەم کاری فیلمیی بریتی بوو لە ڕۆڵێکی سەرەکی لە فیلمی گۆدزێلا: پاشای دڕندەکان (٢٠١٩)، کەسایەتییەک کە دووبارە ڕۆڵی گێڕاوەتەوە لە پاشھاتەکەی گۆدزێلا دژی کۆنگ (٢٠٢١). ھەروەھا ڕۆڵی سەرەکی ھەبووە و بەرھەمھێنانی بۆ فیلمی ڕازئامێزی ئینۆلا ھۆڵمز (٢٠٢٠) کردووە.

لە ٢٠١٨دا، میڵی لە پێڕستی تایم ١٠٠ی کاریگەرترین کەسەکانی جیھاندا دانرا. ھەر لەو ساڵەشدا بوو بە باڵیۆزی نیازپاکیی یوونیسێف، کە دەیکاتە گەنجترین کەس کە بۆ ئەم پێگەیە ھەڵبژێردرابێت.

میڵی لە ماڕبێڵا، ئیسپانیا لەدایکبووە، لە ١٩ی شوباتی ٢٠٠٤، سێیەم منداڵە لە چوار منداڵی دایک و باوکی بەڕیتانی، کێڵی و ڕۆبێرت بڕاون. بە توانای بیستنێکی کەمەمەوە لە گوێچکەیەکیدا لەدایکبووە، و وردوردە تەواوی بیستنی لەو گوێچکەیەیدا لەدەست داوە لە ساڵەکانی دواییدا. خۆی و خێزانەکەی گەڕانەوە بۆ ئینگلتەرا کاتێک چوار ساڵان بوو، و لە بۆرنمۆت نیشتەجێ بوون؛ کاتێک ھەشت ساڵان بوو، ڕوویان کردە ئۆرلاندۆ، فلۆریدا.

٢٠١٣—٢٠١٧: ڕۆڵە سەرەتایییەکان و شتە نامۆکان

لە ٢٠١٣دا، میڵی یەکەم کاری ڕۆڵگێڕانی کرد وەک ئەستێرەیەکی میوان لە زنجیرەی درامای خەیاڵی ئەی بی سیی ڕۆژێک لە ڕۆژان لە وەندەرلاند، کە لابەرھەمێکی ڕۆژێک لە ڕۆژان بوو، کە ڕۆڵی ئەلیسی گەنجی دەگێڕا. لە ٢٠١٤دا، ڕۆڵێکی سەرەکی وەرگرت لە زنجیرەی درامیی خەیاڵیی ھەستبزوێنی بی بی سیی خۆپیاکردووەکان کە ڕۆڵی مادیسن ئۆ'دۆنیڵی دەگێڕا. دواتر ڕۆڵی میوانی ھەبووە لە زنجیرەی درامیی پۆلیسی سی بی ئێسی ئێن سی ئای ئێس، سیتکەمی ئەی بی سیی خێزانی ھاوچەرخ، و زنجیرەی پزیشکیی ئەی بی سیی توێکاریی گرەی. لە ٢٠١٦دا، میڵی ھەڵبژێردرا بۆ بەرجەستەکردنی کەسایەتیی ئیلێڤن ('ئێڵ') لە زنجیرەی نێتفلیکسی خەیاڵی زانستیی ترسناکی شتە نامۆکان نواندنەکەی بووە خاوەنی ستایشی ڕەخنەیی و پاڵێورا بۆ خەڵاتی ڕێکخراوی ئەکتەرەکانی شاشە بۆ باشترین خانمەئەکتەر لە ڕۆڵیکی پاڵپشت لە زنجیرەیەکی درامی، و خەڵاتی ئێمی پڕایم تایم بۆ باشترین خانمەئەکتەری پاڵپشت لە زنجیرەیەکی درامی؛ و خەڵاتی ڕێکخراوی ئەکتەرانی شاشەی بردەوە بۆ باشترین نواندن لەلایەن کۆمەڵێکەوە لە زنجیرەیەیکی درامی لەگەڵ کاستی شتە نامۆکان و ٤٣یەم خەڵاتی ساتێرنی بردەوە بۆ باشترین نواندن لەلایەن ئەکتەرێکی گەنجەوە لە زنجیرەیەکی تەلەڤیزیۆنی. بۆ ڕۆڵی ئیلێڤن لە وەرزی دووەمی شتە نامۆکان، بۆ دووەم جار پاڵێورا بۆ خەڵاتی ڕێکخراوی ئەکتەرەکانی شاشە و خەڵاتی ئێمی پڕایم تایم لە ٢٠١٨دا.

 

لە تشرینی دووەمی ٢٠١٦دا، میڵی ڕۆڵی سەرەکی گێڕا لە موزیک ڤیدیۆی تاکەگۆرانیی سیگما و بێردی بەناوی «بمدۆزەوە». لە تشرینی دووەمی ساڵی ٢٠١٦وە، لە ڕێکلامە بازرگانییەکانی سیتیگرووپ دەرکەوتووە.

لە کانوونی دووەمی ٢٠١٧دا، یەکەم کاری نمایشکاری کرد بۆ کامپەینی «بە بڕیار»ی کاڵڤن کڵێین. لە مانگی دوایدا، چووە دەزگای نمایشکارانی ئای جی ئێمەوە. لە کامپەینی براندی ئیتاڵیی مۆنکلێر دەرکەوت لە ھاوینی ٢٠١٨دا.

٢٠١٨–ئێستا

لە کانوونی دووەمی ٢٠١٨دا، میڵی ھەڵبژێردرا بۆ ئەوەی ڕۆڵی سەرەکی بگێڕێت و بەرھەمھێنان بکات بۆ دروستکراوی فیلمیی نھێنییەکانی ئینۆلا ھۆڵمز. ھەروەھا ھەڵبژێردرا کە کاری دەنگی لە ڕاستی مەجازیی دارێن ئەفرۆنۆفسکی گۆیەکان: گۆرانییەکانی شوێنکاتدا بکات. لە ٢٠ی نیسانی ٢٠١٨دا، ناونرا بە یەکێک لە ١٠٠ کاریگەرترین کەسەکانی جیھان لەلایەن گۆڤاری تایمەوە، کە کردییە گەنجترین کەس کە لەو پێڕستەدا بێت. لە ٢٠ی تشرینی دووەمی ٢٠١٨دا، ڕاگەیەندرا کە بووەتە گەنجترین کەس کە ببێت بە باڵوێزی نیازپاکیی یوونیسێف.

لە تشرینی دووەمی ساڵی ٢٠١٨دا، ئی ئەی گەیمس ڕایگەیاند کە میڵی کاری لەگەڵ پڕۆگرامسازانی سیمس ٤ کردووە بۆ ئەوەی لە کێبڕکێی ئەرێنیی سیمس ٤دا دەربکەوێت. لەلایەن مەگەزینی تایمەوە ناونرا بە کاریگەرترین ھەرزەکاری ساڵی ٢٠١٧ و ٢٠١٨. لە ٢٠١٨دا، ھۆڵیوود ڕیپۆرتەر میڵی ناونا لە سەروو ٣٠ باشترین ئەکتەری خوار تەمەن ١٨ ساڵ.

میڵی یەکەم کاری نواندنی فیلمی لە ٢٠١٩دا بوو، کە ڕۆڵێکی سەرەکی بوو لە فیلمی گۆدزێلا: پاشای دڕندەکان، کە پاشھاتی فیلمی ٢٠١٤ی گۆدزێلایە. ھەمان ڕۆڵی بەرجەستەکردەوە لە گۆدزێلا دژی کۆنگ (٢٠٢١).

لە ئازاری ٢٠١٩دا، بوو بە باڵوێزی کامپەینی #پێکەوەبەھێزین ی یو ئی ئێف ئەی. لە ئازاری ٢٠١٩دا، ڕاگەیەندرا کە میڵی ڕۆڵی سەرەکی دەبینێت لە دروستکراوەی فیلمیی شتێک دەربارەی بووکی دەریاییی عەلی بینجامین و ڕۆڵی سوزی دەگێڕێت.لە ٢٠١٩دا، میڵی «فلۆرێنس لەلایەن میڵس»ی دەستپێکرد، بەرھەمی ئارایشتی تایبەت بەخۆی. ئێستا لە شانشینی یەکگرتوو بەردەستە. لە ٢٨ی تەممووزی ٢٠٢٠دا، ڕاگەیەندرا کە ڕۆڵی سەرەکی دەگێڕێت و بەرھەمھێنان دەکات بۆ فیلمی ئەو کچانەی کە بووم. میڵی ڕۆڵی سەرەکی دەگێڕێت و دەبێتە یاریدەدەری بەرھەمھێنەری فیلمی خەیاڵیی دامزێڵ بۆ نێتفلیکس، لە دەرھێنانی دەرھێنەری ئیسپانی خوان کارلۆس فرێسنادیلۆ و بەڵگەفیلمی دان مازیاو. لە کانوونی یەکەمی ٢٠٢٠دا، ڕاگەیەندرا کە برایانی ڕوسۆ دروستکراوەیەکی ڕۆمانی نەخشێندراوی دۆخە کارەبایییەکەی سایمۆن ستالنھاگ دەردەھێنن بۆ یوونیڤەرساڵ پیکچەرز و میڵیش ھەڵبژێردراوە بۆ ڕۆڵی سەرەکی. ھەر لەو مانگەدا، دەرخرا کە نێتفلیکس ڕێکەوتنێکی کاتیی پێشکەش کردووە کە چەند پڕۆژەیەکی لەخۆ گرتووە. لە ٢٠٢٢دا، میڵی ١٠ ملیۆن دۆلاری وەرگرت بۆ دووبارە بەرجەستەکردنەوەی ئینۆلا ھۆڵمز لە پاشھاتی ئینۆلا ھۆڵمز ٢.

میڵی لە تەمەنی ١٢ ساڵییەوە بەرچاوی خەڵک کەوت دوای بەشداربوونی لە شتە نامۆکاندا. لە تەمەنی ١٤ ساڵیدا، وتەی ھۆمۆفۆبیایی، کە بە درۆ بەناوی میڵییەوە کرابوو، لە تۆڕە کۆمەڵایەتییەکاندا بە شێوەی میم دەرکەوتن کە وای لە میڵی کرد واز لە تویتەر بھێنێت لەبەر ھەراسانکردنی. سەرەڕای مڵھوڕیکردنی لەڕێی ئینتەرنێتەوە، ڕووبەڕووی بەکارھێنەرانی تۆڕە کۆمەڵایەتییەکان و وتار بووەتەوە کە بەشێوەیەکی سێکسی باسی شێوەی دەکەن. بەھۆی ئەمەوە تووشی شڵەژاوی بوو، و لە پۆستێکی ٢٠٢٠ی ئینستاگرامیدا لەسەر ١٦یەم ڕۆژی لەدایکبوونی وتی «ھەندێک کات دەشڵەژێم بەھۆی نادروستی، پەیامە ناشرینەکان، سێکسیکردنەکان، سووکایەتییەکان کە لە ئەنجامدا بوونەتە ئازار و نائاسایشی بۆم.» دوای بوونی بە ١٨ ساڵ لە شوباتی ٢٠٢٢دا، ھەژماری تۆڕە کۆمەڵایەتییەکانی پڕ بوون لە وێنە و ڤیدیۆ و پەیامی نەشیاو لەلایەن بەکارھێنەرانەوە.

لە ٢٠٢١ەوە، میڵی لە پیوەندییەکی خۆشەویستیدایە لەگەڵ جەیک بۆنگیۆڤی، کوڕی مۆسیقاژەن جۆن بۆنگیۆڤی.

میڵی خوێندکارێکی سەرھێڵە لە زانکۆی پوردو و دەربارەی تەندروستی و خزمەتگوزاریی مرۆڤی دەخوێنێت بەپێی ئابی ٢٠٢٢.

 

فیلم

کلیل

واتە بەرھەمەکە ھێشتا بڵاو نەبووەتەوە

تەلەڤیزیۆن

موزیک ڤیدیۆ

کایە ڤیدیۆیییەکان

• میڵی بۆبی بڕاون لە بنکەدراوەی ئینتەرنێتیی فیلمەکان
• میڵی بۆبی بڕاون لە ڕاتن تۆمەیتۆز

•  دەروازەی ژن
•  دەروازەی ژیاننامە
•  دەروازەی شانشینی یەکگرتوو
•  دەروازەی فیلم
•  دەروازەی ھۆڵیوود
•  دەروازەی ئەکتەران