فێستیڤاڵی نێونەتەوەییی شانۆی کوردیی سەقز

تا ئێستا ١٧ خولی ئەم فیستیڤالە بەڕێوەچووە و ھونەرمەندانی شانۆکاری ڕۆژهەڵات، باشوور و باکووری کوردستان بەشداریان تێدا کردووە. ئەم فیستیڤاڵە لەلایەن وەزارەتی کولتور و ئیڕشادی ئیسلامی ئێران بەڕێوەدەچێت. لە ساڵەکانی هەوەڵی دەیەی نەوەدی زایینی بە تێکۆشانی هونەرمەندانی شانۆکاری کوردستان وەک ئەمجەد عەلیمۆرادی و خالید خاکی بنەڕەتی فیستیڤاڵەکە دانرا بەڵام هەتا ساڵی ١٩٩٩ بەڕێوە نەچوو. دواجار بە یارمەتی هونەرمەندان و هونەر دۆستانی بواری شانۆگەری ئەم فیستیڤاڵە دەستێ پێکرد و هەمو ساڵێک بەڕێوە دەچێت و هونەرمەندانی گەورەی وڵاتی ئێران و کوردستان تێدا بەشداری دەکەن.

هەروەها کە ئاماژە پێکرا هەتا ئێستا ١٧ خولی ئەم فیستیڤاڵە بەڕێوەچوو.

حەڤدەهەمین خولی فێستیڤاڵەکە

لەم ماوەیەدا ٤٠ بەرهەم کە ٢١ بەرهەمی بیانی و ١٩ بەرهەمی ناوخۆیی بوون، ڕەوانەی سکرتاریەتی حەڤدەهەمین فێستیڤاڵ کران و پانێڵی پێداچوونەوەکاران ١٠ نمایشیان بۆ بەشی پێشبڕکێ هەڵبژارد. ئەم خولە بەهۆی پەتای ڤایرۆسی کۆرۆنا دواکەوت. خولی حەڤدەهەمی فێستیڤاڵەکە کە بڕیار بوو لە مانگی کانوونی دووەمی ساڵی ١٤٠٠ هەتاوی بەڕێوەبچێت، بەهۆی بڵاوبوونەوەی کۆرۆنا چەند جارێک گۆڕانکاری بەسەردا هات و دواجار لە ٢٣ی ئایاری ١٤٠١ هەتاویدا بە نمایشکردنی بەرهەمی "دەڤار" دەستی بە کارەکانی کرد. لەو ماوەیەدا بێهروز غەریب پوور خەڵکی سنە، حەمیدرەزا نەعیمی خەڵکی ئیلام و گۆران عەلی خەڵکی شاری سلێمانی لە هەرێمی کوردستانی عێراق دادوەری فێستیڤاڵەکە بوون. لەم قۆناغەدا نمایشی "سیاساڵ" و "ئاژەڵ" بۆ ناساندنی فێستیڤاڵە نیشتمانی و نێودەوڵەتییەکان هەڵبژێردران.

• خەڵاتی تایبەت بۆ بواری دیزاینی شانۆ: پەیکەری فێستیڤاڵ، بڕوانامەی شەرەف و خەڵاتی نەختینەیی بۆ دیزاینەرانی شانۆی نمایشی "ئاژەڵ" و بڕوانامەی ڕێزلێنان بۆ ئەفشین خودری لە نمایشی "هاری"
• خەڵاتی تایبەتی مۆسیقا: پەیکەری فێستیڤاڵ، بڕوانامەی شەرەف و خەڵاتی نەختینەیی بۆ میرزا مەتین بۆ ئاوازدانانی بەرنامەی "مەم و زین" و بڕوانامەی ڕێزلێنان و خەڵاتی نەختینەیی بۆ کۆشا نەجارزادە بۆ ئاوازدانانی بەرنامەی "سیاساڵ"
• خەڵاتی تایبەت بۆ شانۆنووسی: پەیکەری فێستیڤاڵ، دبلۆمی شەرەف و خەڵاتی نەختینەیی بۆ پەرویز ئەحمەدی نووسەری شانۆنامەی "سیاساڵ" و تابلۆی ڕێزلێنان و خەڵاتی نەختینەیی بۆ هادی بەهرامی نووسەری شانۆنامەی "ئازایەتی و ڕاستی"
• خەڵاتی تایبەتی بەشی دەرهێنان: پەیکەری فێستیڤاڵ و بڕوانامەی شەرەف و خەڵاتی نەختینەیی بۆ فەرزاد حەسەن میرازی بۆ دەرهێنانی بەرنامەی "ئاژەڵ" و بڕوانامەی ڕێزلێنان و خەڵاتی نەختینەیی بۆ پەرویز ئەحمەدی دەرهێنەری بەرنامەی "سیاساڵ"
• خەڵاتی تایبەت بۆ خانمە ئەکتەر: پەیکەری فێستیڤاڵ، دبلۆمی شەرەف و خەڵاتی نەختینەیی بۆ سامان میرزایی لە بەرنامەی "دوورترین شاری جیهان" و بڕوانامەی ڕێزلێنان و خەڵاتی نەختینەیی بە هاوبەشی بۆ نەرمین سەلاحی، ئەکتەری فیلمی "ئازایەتی و ڕاستی" و ئەزین حاجی میرزایی لە نمایشی "هاری"
• خەڵاتی تایبەت بۆ ئەکتەری پیاو: پەیکەری فێستیڤاڵ، دبلۆمی شەرەف و خەڵاتی نەختینەیی بۆ عەزیز سەعیدنژاد لە نمایشی "ئاژەڵ" و بڕوانامەی ڕێزلێنان و خەڵاتی نەختینەیی بە هاوبەشی بە داریوش ڕەفاتی لە نمایشی "سیاساڵ" و "فێرمان مەحمود" لە نمایشەکەدا "گێژەن"

شازدەهەمین خولی فستیڤاڵەکە

• شانۆی یەکەم «باوک» لە سلێمانی بەرهەمی سدیق عەزیز
• شانۆی دووهەم «ڕاپۆرت بە ئاکادمی» لە ئیستانبولی تورکیا
• شانۆی سێھەم «بەبر» لە مەهاباد

پازدەهەمین خولی فستیڤاڵەکە

• شانۆی «کچە سەڵیتەکە» لە مەریوان بەرهەم فاتێح بادپەروا
• شانۆی «هەناری» لە سنە بەرهەمی قوتبەدین سادقی
• شانۆی سێهەم «بەر دەرگای جەهەنم» لە سلێمانی

• چەن وێنەیێک لە خولی شازدەهەم فیستیڤاڵ
•  
•  
•  
•  
•  
•  
•  
•  

• چەن وێنەیێک لە خولی یازدەهەم فیستیڤاڵ
•  
•  
•  
•  

• فیستیڤاڵی شانۆی کوردی لە سەقز بەردەوامە^{[بەستەری مردوو]}، ڕۆژنیوز، ٢٠١٧
• شازدەیەمین فێستیڤاڵی شانۆی کوردیی لە ڕؤژهەڵاتی کوردستان، سەقز ٢١ی حوزەیرانی ٢٠٢١ لە وەیبەک مەشین، ئەرشیڤ کراوە. ڕێکخراوی کولتووری کوردستان
• دەیەمین فێستیڤاڵی شانۆی كوردی لە سەقز دەستی پێكرد ٢٦ی ئازاری ٢٠٢٢ لە وەیبەک مەشین، ئەرشیڤ کراوە.، کوردپا، ٢٩ ڕێبەندان ٢٧١١ کوردی
• ارسال ٨٢ متن نمایش به دبیرخانه چهاردهمین جشنواره تئاتر کردی سقز، ماڵپەری شانۆ، ١٣٩٦هەتاوی
• سیزدهمین جشنواره تئاتر کُردی در سقز به کار خود پایان داد، ماڵپەری دانا، ١٣٩٥هەتاوی
• پێشانگای وێنەی فێستیڤاڵی شانۆی کوردی سەقز کرایەوە، میهر، ٢٠١٨

•  دەروازەی ئێران
•  دەروازەی کوردستان
•  دەروازەی فیلم
•  دەروازەی دەیەی ١٩٩٠