لیۆناردۆ دیکاپریۆ: ئەکتەر و بەرهەمهێنی فیلمی ئەمریکی

دیکاپریۆ دەستی بە نواندن کردووە بە دەرکەوتن لە ڕێکلامەکانی تەلەڤیزیۆن، دواتر لە چەندەھا زنجیرە تەلەڤزیۆنی سیتکەم دەرکەوتووە کە بەناوبانگترینیان Growing Pains بوو لەسەرەتاکانی ١٩٩٠. دواتر دەستی بە کاری نواندن کردووە و یەکەم فیلم تێیدا دەرکەوت فیلمی (Critters 3) بوو، جگە لەوەی دوای ئەوەش لە فیلمی (This Boy's Life) دەرکەوتووە لەساڵی ١٩٩٣ لەپاڵ ئەکتەری مەزن ئەکتەر ڕۆبێرت دی نیرۆ. دەرکەوتنی دیکاپریۆ لە ھۆڵیوود ئەوکاتە بوو کە بەشداری فیلمی What's Eating Gilbert Grapeی لەھەمان ساڵدا ئەمجارەیان لەپاڵ ئەکتەر جۆنی دێپ. ئەمە جگە لە کۆمەڵێ فیلمی تر، وەل فیلمی درامای (The Basketball Diaries) و فیلمی ڕۆمانسی (Romeo + Juliet)، بەرلەوەی ناوبانگێکی گەورەتر پەیدا بکە لە فیلمە مێژوویەکەی دەرھێنەر جەیمس کامیڕۆن، کە فیلمی تایتانیک بوو.

Leonardo DiCaprio لیوناردۆ دیکاپریۆ
دیکاپریۆ لە لەندەن یەکەم نمایشی فیلمی "The Wolf of Wall Street" ساڵی ٢٠١٤
لەدایکبوون	لیوناردۆ ڤیلھێلم دیکاپریۆ (١٩٧٤-١١-١١) ١١ی تشرینی دووەمی ١٩٧٤ (تەمەن ٤٩ ساڵ) ھۆلیوود، کالیفۆرنیا،  ویلایەتە یەکگرتووەکان
پیشە	ئەکتەر، بەرھەمھێنەری فیلم
چالاکبوون	١٩٨٩- ئێستا
وێبگە	LeonardoDiCaprio.com

لەوەتەی ساڵی ٢٠٠٠ەکان، دیکاپریۆ بۆ کۆمەڵێک فیلم ستایش کراوە لەلایەن ڕەخنەگرانەوە لەچەندین جۆری جیاواز. فیلمەکانیش بریتی بوون لە (The Man in the Iron Mask (1998، و فیلمی ژیاننامەیی بمگرە گەر دەتوانی و فیلمی مێژوویی و دراما چەتەکانی نیویۆڕک (٢٠٠٢) لەپاڵ ئەکتەر دانیێل دەی لێویس. لیۆ لەساڵانی دوای ئەوە لەگەڵ دەرھێنەری مەزن ماڕتن سکۆرسیز چەندەھا کاری گەورەیان بەیەکەوە ئەنجامداوە، سەرەتای کارەکانیان بە فیلمی جەنگی (Blood Diamond (2006 دواتر دووبارە یەکدیان گرتەوە ئەمجارەیان بۆ فیلمی درامای تاوانکاری (The Departed (2006 کە دواتر باشترین فیلمی ساڵ دەرچوو، ھەروەھا فیلمی ئاکشنی (Body of Lies (2008 کە تێیدا لەگەڵ دەرھێنەر ڕیدلی سکۆت کاریان کرد و درامای (Revolutionary Road (2008، دواتر لەگەڵ دەرھێنەر کریستۆگەر نۆلان یەکەم کاریان بەیەکەوە بەرھێمھێنا ئەویش فیلمی دەستپێک (٢٠١٠) ھەروەھا فیلمی ژیانامەیی (J. Edgar (2011، فیلمی ڕۆژئاوایی (Django Unchained (2012، و فیلمی درامای (The Great Gatsby (2013. بۆ فیلمی گەڕاوە لە مردن (٢٠١٥)، توانی سێ گۆڵدن گڵۆب بۆخۆی دەستەبەر بکات. دیکاپریۆ یەکەم خەڵاتی بافتای خۆشی بۆ فیلمی گەڕاوە لەمردن بردەوە. لە خەڵاتەکانی ئۆسکاریش لیۆناردۆ شەش جار پاڵێورا، پێنجیان وەک ئەکتەر و یەکێکیشیان وەک بەرھەمھێنەر - و لەساڵی ٢٠١٦ش خەڵاتی ئۆسکاری بۆ باشترین ئەکتەر پێدرا بۆ فیلمی ناوبراو. دوای ماوەی دابڕان، دی کاپریۆ بە ڕۆڵی ڕیک داڵتن گەڕایەوە لە فیلمی ڕۆژێک لە ڕۆژان لە ھۆڵیوود, و دوای پەخشی یەکەمی فیلمەکە لە فیستیڤاڵی فیلمی کان، ڕەخنەگران پێشوازیەکی گەرمیان لە فیلمەکە بەگشتی و نواندنی دی کاپریۆ بە تایبەتی کرد.

بەدەر لە نواندن دیکاپریۆ خاوەن کۆمپانیای تایبەتی بەرھەمھێنانی خۆیەتی، بەناوی Appian Way Productions، و یەکێکیشە لەو کەسانەی گرینگیەکی تایبەت بە ژینگەی جیھانی دەدات و بەشداری چەندین پڕۆژەی خێرخوازی کردووە، و تا ئێستا بەشداری دوو دۆکیومێنتاری کردووە تایبەت بە بابەتی گەرمبوونی زەوی.

• ماڵپەڕی فەرمی دیکاپریۆ ٣ی ئابی ٢٠٠٩ لە وەیبەک مەشین، ئەرشیڤ کراوە.

•  دەروازەی ژیاننامە
•  دەروازەی فیلم
•  دەروازەی ویلایەتە یەکگرتووەکانی ئەمریکا
•  دەروازەی کالیفۆڕنیا
•  دەروازەی ھۆڵیوود
•  دەروازەی ئەکتەران

ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. ب و د