संगमरमर
संगमरमर चाहे मार्बल (अंग्रेजी: marble) एक किसिम के रवेदार मेटामार्फिक चट्टान (कायांतरित चट्टान, ताप दाब से जेकरा में बदलाव भइल होखे) होखे ले जे कार्बोनेट खनिज सभ के रीक्रिस्टलाइजेशन से बने ले आ सभसे कॉमन रूप में कैल्शियम से बनल कैल्साइट, भा डोलोमाइट होखे ले। मार्बल के टिपिकल रूप बिना फोइलेशन के होला मने एह चट्टान में पत्तर नियर संरचना ना मिले ले हालाँकि एकर अपवादो होखे लें। भूबिज्ञान में मार्बल के इस्तेमाल चूना पत्थर (लाइमस्टोन) से बने वाली मेटामार्फिक चट्टान होखे ला जबकि पाथर के कलाकृति बनावे आ भवन निर्माण में मार्बल भा संगमरमर के इस्तेमाल अउरी ब्यापक अरथ में होखे ला, एह में बिना मेटामर्फोसिस वाला लाइमस्टोन (चूना पाथर) के भी संगमरमर कहल जा सके ला। मार्बल के इस्तेमाल कई किसिम के कलाकृति बनावे, सजावटी सामान बनावे आ बिल्डिंग मटेरियल के रूप में इस्तमाल होखे ला।
| मेटामार्फिक चट्टान | |
 इटली के कारारा मार्बल (Carrara marble) खदान | |
| कंपोजीशन | |
|---|---|
| अधिकतर कैल्साइट चाहे डोलोमाइट |
नाँव
अंग्रेजी के शब्द "मार्बल" (marble) के उत्पत्ती प्राचीन यूनानी μάρμαρον (mármaron), से भइल हवे जे μάρμαρος (mármaros) से आइल हवे जेकर मतलब होला, "क्रिस्टलीय चट्टान, चमकदार पाथर" (crystalline rock, shining stone), साइद एह में क्रिया के मूल रूप μαρμαίρω (marmaírō) हवे जेकर मतलब होला, "चमकल" (to flash, sparkle, gleam); रॉबर्ट एस. पी. बीक्स के अनुसार एकर यूनानी भाषा से पुरान उत्पत्ती संभव हो सके ला।
उर्दू-हिंदी में शब्द संगमरमर दू गो शब्द संग (पाथर) आ मरमर (चिक्कन) से बनल हवे आ मूल फ़ारसी भाषा से आइल हवे।
भौतिक उत्पत्ती
संगमरमर एगो चट्टान हवे जे सेडीमेंटरी कार्बोनेट चट्टान सभ के रूपांतरण के परिणाम हवे, बहुधा चूना पत्थर (लाइमस्टोन) भा डोलोमाइट (चट्टान) के रूपांतरण से बने ले। रूपांतरण के कारण मूल कार्बोनेट खनिज दाना सभ के वैरियेबल रीक्रिस्टलाइजेशन होला। एकरे परिणामस्वरूप बनल संगमरमर के चट्टान आमतौर पर कार्बोनेट क्रिस्टल सभ के एक दुसरे से जुड़ल मोज़ेक से बनल होलें। मूल कार्बोनेट चट्टान (प्रोटोलिथ) के प्राथमिक सेडीमेंटरी बनावट आ संरचना सभ के आमतौर पर बदलाव हो जाला चाहे ई पूरा तरीका से बिनष्ट हो जाला।
शुद्ध सफेद संगमरमर बहुत शुद्ध (सिलिकेट-कमी वाला) चूना पत्थर भा डोलोमाइट प्रोटोलिथ के रूपांतरण के परिणाम हवे। कई रंगीन संगमरमर जिनहन में इनके बिसेसता वाला घुमावदार धारी आ नस मिले लीं, सभ आमतौर पर बिबिध खनिज अशुद्धि सभ के कारण होले जइसे कि माटी, गाद, बालू, लोहा के आक्साइड, या चेर्ट जे मूल रूप से चूना पत्थर में दाना भा परत के रूप में मौजूद रहल होखे लीं। हरियर रंग अक्सर सर्पेन्टाइन के कारण होला जे मूल रूप से मैग्नीशियम से भरपूर चूना पत्थर भा सिलिका के अशुद्धि वाला डोलोमाइट के परिणाम हवे। एह बिबिध अशुद्धि सभ के रूपांतरण तेज दबाव आ ताप से मोबिलाइज आ रिक्रिस्टलाइज कइल गइला के परिणाम होला।
प्रकार
ऐतिहासिक रूप से महत्व वाली संगमरमर चट्टान आ लोकेशन सभ के लिस्ट नीचे दिहल गइल बाटे:
| मार्बल | रंग | लोकेशन | देस |
|---|---|---|---|
| पेंटेलिक मार्बल (Pentelic marble) | सुच्चा सफ़ेद (pure-white, fine-grained semitranslucent) | Mount Pentelicus (Πεντελικό όρος), Attica (Ἀττική) | यूनान |
| क्रियोल मार्बल (Creole marble) | सफ़ेद आ नीला/करिया | Pickens County, Georgia | अमेरिका |
| इटोवाह मार्बल (Etowah marble) | गुलाबी | Pickens County, Georgia | अमेरिका |
| हानबायू मार्बल (Hanbaiyu marble) | सफ़ेद | Quyang County, Hebei | चीन |
| मकराना मार्बल (Makrana marble) | सफ़ेद | मकराना, नागौर जिला, राजस्थान | भारत |
| मर्फी मार्बल (Murphy marble) | सफ़ेद | Pickens and Gilmer Counties, Georgia | अमेरिका |
| नीरो मार्क्वीना (Nero Marquina marble) | करिया | Markina, Spain | स्पेन |
| पारियन मार्बल (Parian marble) | सुच्चा-सफ़ेद, महीन-रवादार | Island of Paros (Πάρος), South Aegean (Νοτίου Αιγαίου) | ग्रीस |
| करारा मार्बल (Carrara marble) | सफ़ेद चाहे नीला-मटियाहूँ | Carrara, Tuscany | इटली |
| रस्कियाला मार्बल (Ruskeala marble) | सफ़ेद | Ruskeala (Рускеала), Karelia (Карелия) के लगे | रूस |
| रस्चीता मार्बल (Rușchița marble) | सफ़ेद, गुलाबी आभा वाला, ललछाहूँ | Poiana Ruscă Mountains, Caraș-Severin County | रोमानिया |
| बिनाको सिवेक (Bianco Sivec) | सफ़ेद | near Prilep (Прилеп), Pelagonia (Пелагониски) | उत्तर मैसिडोनिया |
| स्वीडिश ग्रीन मार्बल | हरियर | Kolmården, Södermanland के लगे | स्वीडेन |
| साइलकॉगा मार्बल (Sylacauga marble) | सफ़ेद | Talladega County, Alabama | अमेरिका |
| वरमोंट मार्बल (Vermont marble) | सफ़ेद | Proctor, Vermont | अमेरिका |
| यूल मार्बल (Yule marble) | एक बरोबर सफ़ेद | Marble, Colorado के लगे | अमेरिका |
| वूंसीएडेल मार्बल (Wunsiedel marble) | सफ़ेद | Wunsiedel, बवेरिया | जर्मनी |
| प्रोकोंनेसेस मार्बल (Prokonnesos marble) | सफ़ेद | मरमारा दीप, मरमारा सागर | तुर्की |
| वेंकास मार्बल (Venčac marble) | सफ़ेद | Venčac mountain near Aranđelovac | सर्बिया |
इस्तेमाल
कलाकृति आ मूर्तीकला
सफेद संगमरमर के मूर्तिकला में इस्तेमाल खातिर प्राचीन क्लासिकल काल से बहुत महत्व दिहल जाला। एह पसंद के संबंध एकरे कोमलता से बा जेवना से उकेरल आसान हो जाला, सापेक्षिक समरूपता आ एकरूपता (isotropy and homogeneity) के गुण एह में होखे लें आ ई चकनाचूर होखे के सापेक्ष प्रतिरोध वाला होला। साथ ही, कैल्साइट के अपवर्तन के कम सूचकांक के कारण प्रकाश बिखरे से पहिले पत्थर में 12.7 से 38 मिलीमीटर घुस सके ला, एकरे परिणाम के रूप में एह में खास किसिम के मोमी बिसेसता (waxy) आ जाले जवना से कौनों भी तरह के संगमरमर के मूर्ति सभ में सजीव चमक ले आवे ला, एही से अधिकतर मूर्तिकार लोग पसंद कइल करे आ अभी भी मूर्तिकला खातिर संगमरमर पसंद करेलें।
बिल्डिंग मटेरियल
कन्स्ट्रक्शन संगमरमर अइसन पत्थर हवे जे कैल्साइट, डोलोमाइट भा सर्पेन्टाइन से बनल होला जे पॉलिश लेवे में सक्षम होला। निर्माण में अउरी सामान्य रूप से, खासतौर पर डाइमेंशन स्टोन के ब्यापार में संगमरमर शब्द के इस्तेमाल कौनों भी क्रिस्टलीय कैल्शियम वाला चट्टान (आ कुछ गैर-कैल्साइटिक चट्टान सभ) खातिर कइल जाला जे बिल्डिंग स्टोन के रूप में उपयोगी होखे। उदाहरण खातिर, टेनेसी संगमरमर वास्तव में एगो घना दानेदार जीवाश्म वाला ग्रे से गुलाबी से मैरून रंग के ऑर्डोविसियन चूना पत्थर हवे, जेकरा के भूबिज्ञानी लोग होलस्टन फार्मेशन कहे ला।
तुर्कमेनिस्तान के राजधानी शहर अशगाबात में 2013 के गिनीज बुक ऑफ रिकार्ड में दर्ज कइल गइल कि दुनिया के सभसे ढेर सफेद संगमरमर के इमारत सभ के कंसंट्रेशन रहल।
Gallery
-
The Nike of Samothrace is made of Parian marble (c. 220–190 BC) -
Laocoön and His Sons in the Vatican -
Dolmabahçe Palace in Istanbul -
The Praetorians Relief, made from grey veined marble, ल॰ 51–52 AD -
Ancient marble columns in the prayer hall of the Mosque of Uqba, in Kairouan, Tunisia -
क्लियोपैट्रा by William Wetmore Story was described and admired in Nathaniel Hawthorne's romance, The Marble Faun, and is on display at The Metropolitan Museum of Art in New York City. -
Näckrosen (Water Lily), Stockholm 1892, by Swedish sculptor Per Hasselberg (1850-1894). Here a copy from 1953 in marble by Giovanni Ardini (Italy) placed in Rottneros Park near Sunne, Sweden in Värmland/Sweden. -
Pažaislis Monastery complex has the most marble-decorated Baroque church of the Grand Duchy of Lithuania
नोट
संदर्भ
This article uses material from the Wikipedia भोजपुरी article संगमरमर, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.