आगरा के लाल किला भारतीय राज्य उत्तर प्रदेश के आगरा शहर में मौजूद किला बाटे। ई मुगल शासन के मुख्य केंद्र रहल जबतक ले कि 1638 में राजधानी दिल्ली ना चल गइल।
आगरा के किला | |
---|---|
लोकेशन | आगरा, उत्तर प्रदेश, भारत |
अक्षांस-देसांतर | 27°10′46″N 78°01′16″E / 27.179542°N 78.021101°E 78°01′16″E / 27.179542°N 78.021101°E |
एकरे इतिहासी महत्व के कारण एकरा के यूनेस्को के बिस्व धरोहर लिस्ट में सामिल कइल गइल बाटे। आगरा के सभसे महत्व वाला पर्यटन आकर्षण, ताजमहल से ई किला लगभग 1.5 किलोमीटर उत्तर-पच्छिम में मौजूद बाटे।
सिकंदर लोदी (1487-1517) पहिला सुलतान रहलें जे दिल्ली से राजधानी के आगरा ले अइलें। इनके बाद इब्राहिम लोदी उत्तराधिकार पवलें आ किला उनके राजकाज के जगह बनल। पानीपत के पहिली लड़ाई (1526) में बिजय पावे के बाद बाबर हेइजे आगरे में इब्राहिम लोदी के महल में रहे सुरू कइलें आ 1530 में, हुमायूँ के ताजपोशी एही किला में भइल। बिलग्राम के लड़ाई में जब पठान राजा शेर शाह सूरी हुमायूँ के हरा दिहले, एह किला पर सूरी के कब्जा हो गइल आ 1555 ले रहल जब तक कि हुमायूँ दोबारा एकरा के ना जीत लिहलें। आदिल शाह सूरी के जनरल (सेनापति) हेमू 1556 एकरा के जीत लिहलें आ किलेदार के दिल्ली ले पीछा कइलें जहाँ मुगल सेना से तुगलकाबाद के लड़ाई भइल।
आगरा के किला के असली महत्व अकबर के राज में मिलल जब ऊ पुराना समय के, ईंटा से बनल एह किला जेकरा के बदलगढ़ किला के नाँव से जानल जाय, के जगह नया किला बनावे के आदेस दिहलें। बदलगढ़ किला तोमर बंस के राजपूत राजा लोग द्वारा बनवावल मानल जाला आ अकबर के समय ले ई जर्जर हो चुकल रहे जेकरे जगह दुबारा बाहरी हिस्सा लाल बलुआ पाथर से आ भीतरी हिस्सा ईंटा से बनवावल गइल। अकबर के दरबारी इतिहासकार अबुल फ़जल ई नोट कइलेन कि जब अकबर के साथे ऊ इहाँ चहुँपलें तब इहाँ किला के भीतर कम से कम 5000 सुघर इमारत रहली जे बंगाली आ गुजराती इस्टाइल में बनल रहलीं। किला के भीतर के अइसन कई गो बिल्डिंग ढहा दिहल गइली स जब शाहजहाँ इहाँ सफेद संगमरमर के इस्तेमाल वाली इमारत बनवलें। एह में से भी ज्यादातर बाद में अंगरेज लोग द्वारा ढहा दिहल गइल जब बैरक बनवावे के जरूरत पड़ल।
विकिमीडिया कॉमंस पर संबंधित मीडिया Agra Fort पर मौजूद बा। |
ई लेख कौनो भवन भा बिल्डिंग के बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
ई भारतीय इतिहास-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
This article uses material from the Wikipedia भोजपुरी article आगरा किला, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.