तुर्की एयरलाइंस तुर्की क राष्ट्रीय झंडा वाहक एयरलाइन ह, जेकर मुख्यालय तुर्किस एयरलाइंस की जनरल मैनेजमेंट बिल्डिंग में बा जवन की अतातुर्क हवाई अड्डा, येसिलकोय, बकिरकोय, इस्तांबुल मेंआइल बा। जुलाई 2015 ले, इ एयरलाइन यूरोप, एशिया, अफ्रीका और अमेरिका में 290 गो गंतव्य खातिर अनुसूचित सेवा संचालित करे, जवने आधार प 2014 ले, इ स्थल संख्या में दुनिया क चौथा सबसे बड़ वाहक रहे। इ यूरोप में कौनों अन्य एयरलाइन की तुलना में एकही हवाई अड्डा से सबसे अधिका बिना स्टॉपेज वाला विमानन क संचालन करेले। तुर्की एयरलाइंस 119 देशन में उड़ान भरेले जवन की कौनों अन्य एयरलाइन की तुलना में अधिका बा। दस कार्गो विमानन की बेड़ा की संचालन की साथ, ए एयरलाइन क कार्गो डिवीजन 52 गंतव्य स्थान खातिर सेवा देला। इस्तांबुल अतातुर्क हवाई अड्डा एकर मुख्य हब ह, और इसेनबोगा अंतरराष्ट्रीय हवाई अड्डा, सबाह गोकेन अंतर्राष्ट्रीय हवाई अड्डा और अदनान मेंडेरेस हवाई अड्डा एकर अन्य हब हंव स। 1 अप्रैल 2008 से तुर्की एयरलाइंस स्टार अलायंस नेटवर्क क सदस्य बनल बा।
20 मई 1933 के तुर्की एयरलाइंस क स्थापना राष्ट्रीय रक्षा मंत्रालय की एगो विभाग की रूप में स्टेट एयरलाइंस एडमिनिस्ट्रेशन (तुर्की: डिवलेट हावा युलारि) के रूप में भइल रहे। 1935 में, ए एयरलाइन के लोक निर्माण मंत्रालय में बदल दिहल गइल और बाद में एके राज्य एयरलाइंस की जनरल निदेशालय का नाम दिहल गइल। तीन साल बाद, 1938 में, इ परिवहन मंत्रालय क हिस्सा बनल।
1945 की दौरान कईगो डगलस डीसी -3 और डगलस सी-47 के चरणबद्ध कइल गइल रहे। प्रारंभ में एगो घरेलू वाहक की रूप में स्थापित होखले की बाद, इ एयरलाइंस 1947 में अंकारा-इस्तांबुल-एथेंस उड़ान की उद्घाटन की साथ अंतरराष्ट्रीय सेवा शुरू कइलस; डीसी-3 और सी-47 नेटवर्क के विस्तारित करे खातिर ए वाहक के सक्षम कइली स।
निकोसिया, बेरूत और काहिरा के जल्द ही एयरलाइन की अंतरराष्ट्रीय उड़ान स्थल में जोड़ल गइल रहे। हालांकि, 1960 की दशक ले घरेलू सेवा ही ए तुर्की वाहक क मुख्य लक्ष्य रहे।
1956 में, तुर्की सरकार तुर्की हावा युलारी एओ की नाम से ए एयरलाइन क पुनर्गठन कइलस। (जे के अक्सर THY के रूप में संक्षिप्त तौर पर जानल जा) । एमें टीआरएल मुद्रा में 60 मिलियन पूँजी लागल रहे, एयरलाइन एकरी बाद जल्दी ही इंटरनेशनल एयर ट्रांसपोर्ट एसोसिएशन (आईएटीए) में शामिल हो गइल। 1957 में, ब्रिटिश ओवरसीज एयरवेज कॉरपोरेशन (बीओएसी) 6.5 फीसदी हिस्सेदारी हासिल कइले की बाद तकनीकी सहायता क आपूर्ति शुरू क दिहलस, एकरी लगे इ हिस्सेदारी 20 साल ले रहल।
1950 की दशक और 1960 की दशक की शुरुआती दिन में विकर विस्कस, फोककर एफ-27 और डगलस डीसी-3 एस सहित कईगो नया विमानन के जोड़ल गइल रहे। 1967 में तुर्की एयरलाइंस मैकडोनल डगलस डीसी-9, आपन पहिला जेट शुरू कइलस। एकरी बाद 1971 में तीनगो बोइंग 707 जेट विमान शामिल कइल गइल रहे। 1970 की दशक में संचालित अन्य विमान में मैकडोनेल डगलस डीसी-10 और फोककर एफ 28 शामिल रहे जेके क्रमशः 1972 और 1973 में सेवा में शामिल कइल गइल रहे।
बाद में एयरलाइन कईगो मुश्किल क सामना कइलस, इ खराब ग्राहक सेवा और देरी करे खातिर मशहूर हो गइल रहे। एके अपहरण क भी सामना करे के पड़ल और 1974 और 1983 की बीच में सात दुर्घटना क सामना क रे के पड़ल।
This article uses material from the Wikipedia भोजपुरी article तुर्की एयरलाइंस, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 की तहत उपलब्ध बा जबले कि अलगा से बतावल न गइल होखे। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki भोजपुरी (DUHOCTRUNGQUOC.VN) is an independent company and has no affiliation with Wiki Foundation.