हवा प्रदूषण

साल 2008 के एक ठो रपट में, घरभितरिया हवा परदूषण आ खराब शहरी हवा गुणवत्ता, दुनों के सभसे खराब किसिम के जहरीला परदूषण के रूप में निशानदेही कइल गइल बा। 2014 में आइल बिस्व स्वास्थ संगठन के रपट में बतावल गइल बा कि साल 2012 में पूरा दुनिया भर में 70 लाख लॉग के मौत भइल, एह अनुमान से मिलत जुलत आँकड़ा अंतर्राष्ट्रीय ऊर्जा एजेंसी के भी रहल।

• कार्बन डाईऑक्साइड (CO₂)
• सल्फर ऑक्साइड (SO_x)
• नाइट्रोजन ऑक्साइड (NO_x)
• कार्बन मोनोऑक्साइड (CO) – CO रंगहीन, गंधहीन बिसैली बाकी कौनों संबेदना ना पैदा करे वाली। इंजन में पेट्रोलियम पदार्थ के दहन (कंबशन) से निकले ले।
• वोलाटाइल ऑर्गेनिक कंपाउंड (VOC)
• पार्टिकुलेट मैटर
• परसिस्टेंट फ्री रेडिकल्स
• सीसा, पारा, कैडमियम वगैरह बिसैली धातु सभ।
• क्लोरोफ्ल्यूरोकार्बन (CFCs) – ओजोन के नोकसान, सीधे संपर्क में आवे पर इनहन में से कई गो आदमी दे सेहत खाती नोक्सान्देह।
• अमोनिया (NH₃) – कई खेती के क्रिया सभ में निकले ला; उद्योग से निकले ला।
• गंध — कूड़ा-कबाड़, सीवर, उद्योग के कचरा वगैरह से निकले वाली बदबू।
• रेडियोएक्टिव प्रदूषणकारी – प्राकृतिक रेडियोएक्टिव क्षय से, मनुष्य द्वारा परमाणु बिस्फोट से।
• ग्राउंड लेवल पर ओजोन (O₃)
• पेरोक्सीसेटाइल नाइट्रेट (Peroxyacetyl nitrate) (C₂H₃NO₅) – similarly formed from NO_x and VOCs.

प्राकृतिक

 

• धूर – कई अइसन इलाका से जहाँ बनस्पति के अभाव बाटे।
• ज्वालामुखी क्रिया से निकले वाली धूर आ बिबिध किसिम के गैस सभ। जइसे कि सल्फरडाइऑक्साइड वगैरह।
• मवेशी सभ के पाचन क्रिया में निकले वाली मीथेन गैस।
• पानी लगा के खेती, जइसे कि धान से, निकले वाली मीथेन।
• कई जगह जमीन से अपने आप निकले वाली रैडान गैस।

मानवी स्रोत

 

• स्थाई, फैक्टरी आ पावर प्लांट से निकले वाला धुआँ आ गैस।
• मोबाइल रूप में, सड़क परिवहन से निकले वाला धुआँ
• हवाई जहाज सभ से निकले वाली गैस जिनहन से ऊपरी वायुमंडल में अवांछित बदलाव हो रहल बा।
• खेती के खड़ा डांठ जरावे से निकले वाला धुआँ।

अगर घर के भीतर हवा के आवाजाही, मने कि वेंटीलेशन, बढ़ियाँ न होखे, घर के भीतरी हवा में प्रदूषक तत्व सभ एकट्ठा हो सके लें। ई खतरनाक हो सके ला काहें कि लोग आपना जादेतर समय घरे के भितरें बितावे लें। रैडान (Rn) गैस, एगो कैंसरकारी गैस, कई जगह धरती से निकले ले आ घर के भीतर इकट्ठा हो सके ले। घर में कारपेट आ प्लाई से फॉर्मलडीहाइड (H₂CO) गैस निकले ले। पेंट आ अउरी अइसन रंग-रोगन के चीज सभ से सूखे पर वोलाटाइल ऑर्गेनिक कंपाउंड (VOCs) रिलीज होखे लें। सीसा आधारित पेंट से, सूखे पर अइसन महीन धूर (डस्ट) निकले ले जे साँस के साथे शरीर में परवेश क सके ले। इनहन के अलावा एयर फ्रेशनर, सुगंधित करे वाला पदार्थ, धूप-अगरबत्ती वगैरह से भी, लोग खुद के द्वारा घर के भीतरी हवा में प्रदूषण क सके ला। लकड़ी जरावे आ गर्मी पैदा करे खातिर भी इस्तेमाल होखे वाला दहन सभ से घर के भीतर प्रदूषण हो सके ला। बिना उचित वेंटिलेशन वाला घर में कीड़ा-मकोड़ा आ मच्छरमार चीजन के छिड़काव से हवा के क्वालिटी खराब हो सके ले।

अब तक के इतिहास में सभसे बड़ बिपति जे हवा में प्रदूषणकारी के तात्कालिक प्रवेश से भइल होखे, 1984 के भोपाल गैस त्रासदी के नाँव से जानल जाला। अमेरिकी कंपनी युनियन कार्बाइड (जेकरा के बाद में डाउ केमिकल कंपनी कीन लिहलस) के फैकटरी से खतरनाक रासायनिक गैस के लीकेज भइल जेह में 3787 लोगन के मौत भ गइल आ 150,000 से 600,000 लोग के नोकसान चहुँपल। एही तरह से यूनाइटेड किंगडम में, सभसे बुरा हवा प्रदूषण के घटना 4 दिसंबर 1952 के "ग्रेट स्मॉग" रहल जे लंदन के ऊपर बनल रहे। छह दिन में कुल 4,000 से बेसी लोगन के मउअत दर्ज कइल गइल आ हाल के दुबारा अनुमान माने लें कि एह में लगभग 12,000 लोग मुअल। सोवियत रूस में 1979 में अइसने एगो घटना भइल जब जैविक हथियार के प्रयोगशाला से सेवर्डलोस्क में एंथ्रेक्स के जीवाणु बहरें हवा में फइल गइलें आ 64 लोगन के मौत भइल। अमेरिका में, सिंगल घटना गिनावल जाय तब पेंसिलवेनिया के डोनोरा में अक्टूबर 1948 में करीब 20 लोगन के मौत भइल आ 7,000 लोग बेमार पड़ गइल।

• हवा क्वालिटी इंडेक्स (एक्यूआई)