Помнік гісторыі | |
Царква Сьвятых Барыса і Глеба | |
Барысаглебская царква | |
Краіна | Беларусь |
Места | Магілёў |
Каардынаты | 53°53′46″ пн. ш. 30°19′30″ у. д. / 53.89611° пн. ш. 30.325° у. д. 30°19′30″ у. д. / 53.89611° пн. ш. 30.325° у. д. |
Канфэсія | праваслаўе |
Архітэктурны стыль | псэўдарускі стыль[d] |
Дата заснаваньня | 1869 |
Статус | Дзяржаўны сьпіс гісторыка-культурных каштоўнасьцяў Рэспублікі Беларусь |
Сайт | church-mogilev.by |
Царква Сьвятых Барыса і Глеба | |
Царква Сьвятых Барыса і Глеба на Вікісховішчы |
Царква Сьвятых Барыса і Глеба — помнік гісторыі другой паловы XIX ст. (мураўёўка) у Магілёве. Знаходзіцца на правым беразе ракі Дубравенкі, каля Быхаўскага Рынку, на гістарычнай Глебабарысаўскай вуліцы. Дзейнічае. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.
Утварае адзіны комплекс з царквой Узьвіжаньня Сьвятога Крыжа.
Мураваную царкву Ўрадавага сыноду Расейскай імпэрыі (Маскоўскай царквы) каля Быхаўскага Рынку збудавалі ў 1869 годзе на месцы драўлянай царквы Кіеўскай мітраполіі Канстантынопальскага патрыярхату.
У 1986 годзе царкву пераасьвяцілі як сабор Узьвіжаньня Сьвятога Крыжа.
Прыклад эклектычнай царкоўнай архітэктуры Расейскай імпэрыі. У архітэктурна-стылявой трактоўцы спалучаюцца рысы клясыцызму (руставаныя пілястры з вуглоў, прафіляваны карніз асноўнага аб’ёму) і дойлідзтва Маскоўскай дзяржавы XVII ст. (пяцікупальле, кілепадобныя завяршэньні закамараў і парталаў, абрыс ліштваў акон, какошнікі). Гэта амаль квадратная ў пляне 6-слупавы 3-нэфавы крыжова-купальны храм. У паўночнай частцы разьмяшчаюцца 3 паўцыліндрычныя апсыды, якія нязначна выступаюць з асноўнага аб’ёму. Галоўны фасад завяршаецца трыма франтонамі: у цэнтры лучковым, з бакоў трыкутнымі.
Усярэдзіне чатыры крыжовыя ў пляне слупы падтрымліваюць цыліндрычны барабан купала. Пры ўваходзе — два слупы, на якія абапіраюцца хоры.
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 513Г000012 |
This article uses material from the Wikipedia Беларуская (тарашкевіца) article Царква Сьвятых Барыса і Глеба (Магілёў), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.