Яўген Якаўлевіч Кантылёў (нар.
1938; в. Елькаўшчына, Круглянскі раён, Магілёўская вобласьць, цяпер Беларусь) — беларускі пісьменьнік-празаік.
Яўген Кантылёў | |
Асабістыя зьвесткі | |
---|---|
Нарадзіўся | 2 красавіка 1938 (86 гадоў) в. Елькаўшчына, Круглянскі раён, Магілёўская вобласьць, Беларуская ССР, СССР |
Літаратурная дзейнасьць | |
Род дзейнасьці | пісьменьнік-празаік |
Жанр | аповесьць, апавяданьне |
Мова | беларуская |
Нарадзіўся ў сям’і настаўніка. У гады Вялікай Айчыннай вайны жыў разам з маці ў в. Ляхаўшчына. Скончыў Масюкоўскую сямігодку, Менскі лесатэхнічны тэхнікум, факультэт журналістыкі Беларускага дзяржаўнага унівэрсытэту (1969).
З 1956 працаваў на Менскім заводзе аўтаматычных ліній, экспэрымэнтальным заводзе Акадэміі навук, у цэнтральным тэхналягічным інстытуце, Беларускай Савецкай Энцыклапедыі. Працаваў у інтытуце Тэхнічнай кібэрнэтыкі АНБ на пасадзе вядучага канструктара. У гэтай установе надрукаваў два дзясяткі навуковых артыкулаў, брашуру і манаграфію па інжынэрнай псыхалёгіі. Цяпер — старшы навуковы супрацоўнік Навукова-дасьледчага інстытуту працы Міністэрства працы РБ.
З 1987 распачаў літаратурную дзейнасьць з публікацыяў апавяданьняў у часопісах «Маладосьць», «Полымя». Выдаў кнігу «Расьпячатка чорнай скрынкі» (1999), у які ўвайшлі аднайменная аповесьць і апавяданьні «Чацьвёрты раўнд», «Начная сустрэча», «У таварным вагоне», «Як на тое ліха...», «Закляты калун», «Закляты калун» і «Модная куртка». Таксама выступаў з карэспандэнцыямі і нарысамі ў рэспубліканскім друку.
This article uses material from the Wikipedia Беларуская (тарашкевіца) article Яўген Кантылёў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.