Рамэлю Люкаку: бэльгійскі футбаліст
Рамэ́лю Мэна́ма Люка́ку (па-француску: Romelu Menama Lukaku; нарадзіўся 13 траўня 1993 году, Антвэрпэн, Бэльгія) — бэльгійскі футбаліст, нападнік італьянскага клюбу «Рома» (у арэндзе з «Чэлсі») і нацыянальнай зборнай Бэльгіі.
| Рамэлю Люкаку | ||
 | ||
| Пэрсанальная інфармацыя | ||
|---|---|---|
| Нарадзіўся | 13 траўня 1993 (30 гадоў) | |
| Рост | 191 см | |
| Вага | 101 кг | |
| Пазыцыя | нападнік | |
| Клюбная інфармацыя | ||
| Клюб | Рома | |
| Нумар | 90 | |
| Клюбы | ||
| Гады | Клюб | Гульні (галы)¹ |
| 2009—2011 2011—2014 2012—2013 2013—2014 2014—2017 2017—2019 2019—2021 2021— 2022—2023 2023— | Андэрлехт Чэлсі → Ўэст Бромўіч Альбіён (арэнда) → Эвэртан (арэнда) Эвэртан Манчэстэр Юнайтэд Інтэрнацыянале Чэлсі → Інтэрнацыянале (арэнда) → Рома (арэнда) | 73 (33) 10 (0) 35 (17) 31 (15) 110 (53) 66 (28) 72 (47) 26 (8) 25 (10) 25 (10) |
| Зборныя | ||
| 2010— | Бэльгія | 113 (83) |
| ¹ Колькасьць гульняў і галоў за прафэсійны клюб лічыцца толькі | ||
Кар’ера
Клюбная
Калі Люкаку споўнілася 16 гадоў 13 траўня 2009 году, ён падпісаў прафэсійны кантракт з «Андэрлехтам» да 2012 году. Праз 11 дзён ён дэбютаваў у чэмпіянаце Бэльгіі матчам 24 траўня супраць «Стандарду», выйшаўшы на 69-й хвіліне замест абаронцы Віктара Бэрнардэса. «Андэрлехт» прайграў матч зь лікам 1:0.
На наступны сэзон Рамэлю стаў гульцом асноўнага складу, забіўшы свой першы гол на высокім узроўні ў матчы супраць «Зюльтэ-Варэгему» на 89-й хвіліне. Усяго за сэзон Про Лігі 2009—2010 гадоў Рамэлю забіў 15 галоў і яшчэ 4 у матчах Лігі Эўропы.
У жніўні 2011 году Люкаку далучыўся да ангельскага «Чэлсі». Лёнданскі клюб выкупіў трансфэр гульца за 12 млн эўра. Люкаку атрымаў 18 нумар і падпісаў кантракт на пяць гадоў. Дэбютаваў у хатнім матчы супраць «Норыдж Сіці» (2:1) на 83-й хвіліне, выйшаўшы на замену Фэрнанда Торэсу.
Аднак замацавацца футбаліст у «Чэлсі» ня здолеў, таму некалькі гадоў праводзіў у арэндах у іншых ангельскіх клюбах. 30 ліпеня 2014 году «Эвэртан» абвесьціў пра падпісаньне зь Люкаку пяцігадовага кантракту. Сума трансфэру склала 28 млн фунтаў. У 2019 годзе перайшоў у клюб «Інтэрнацыянале Мілян».
Міжнародная
24 лютага 2010 году Люкаку дэбютаваў у складзе зборнай Бэльгіі ў таварыскім матчы супраць зборнай Харватыі. 17 лістапада 2010 году адзначыўся першымі двума галамі ў таварыскім матчы супраць зборнай Расеі.
Дасягненьні
«Андэрлехт»:
- Чэмпіён Бэльгіі: 2010
«Чэлсі»:
- Уладальнік Кубка Ангельшчыны: 2012
- Пераможца клюбнага чэмпіянату сьвету: 2021
«Інтэрнацыянале»:
- Чэмпіён Італіі: 2021
- Уладальнік Кубка Італіі: 2023
- Уладальнік Супэркубка Італіі: 2022
Крыніцы
Вонкавыя спасылкі
- Афіцыйны сайт
- Статыстыка на National Football Teams
- Профіль на Soccerbase
This article uses material from the Wikipedia Беларуская (тарашкевіца) article Рамэлю Люкаку, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.