Імя Рагвалод: мужчынскае асабовае імя (Rognvald)

Асноўны артыкул: Імёны ліцьвінаў

Рагнвальд або Рагвальд (Ragnvald, Ragvald) — імя германскага паходжаньня. Іменная аснова -раг- (-рэг-) / раган- (імёны ліцьвінаў Рагла, Рагін, Рагайла; германскія імёны Ragilo, Ragenus, Ragel) паходзіць ад гоцкага raginon 'гаспадарыць, судзіць, выракоўваць', ragin 'вырак', а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'. Такім парадкам, імя Рагвалод азначае «вырак улады».

Яшчэ літоўскі (беларускі) пераклад пачатку XVII стагодзьдзя «Хронікі» Мацея Стрыйкоўскага сьведчыў: «…бо Феафіл Полацак узяў <…> па Васілю Рагвалодзе [унуку Ўсяслава Полацкага], каторы тэж быў ліцьвін, і па Глебе, сыне яго, і застаў князем полацкім».

Гісторык Павал Урбан у сваёй кнізе «Старажытныя ліцьвіны» залічвае Рагвалода да імёнаў германскага паходжаньня, але прытым супастаўляе полацкага князя зь Вількінам — адным з водцаў люцічаў паводле «Сагі пра Тыдрэка Бэрнскага», запісанай у XIII стагодзьдзі у Скандынавіі. Імя Рагвалод, паводле Паўла Урбана, азначала «Магутны ўладай» або «Справядлівы гаспадар» і адпавядала паўночнагерманскаму імю Rögnvald.

Варыянты імя ў гістарычных крыніцах: Рогъволод (980 год); Роговолод (1128 год); Рогьволодъ Борисовичь (1144, 1158 і 1171 гады); po Krystianie Regwaldzie (18 траўня 1659 году).

• Рагнвальд Аляфсон (IX ст.) — конунг Вэстфольду з дынастыі Інглінгаў
• Рагнвальд Эйстэнсон († каля 894) — заснавальнік графства Оркні
• Рагвалод (каля 920—978) — першы гістарычна вядомы полацкі князь, заснавальнік дынастыі Рагвалодавічаў
• Рагнвальд Інгварсон (X ст.) — водца варагаў
• Рагнвальд Ульфсон († па 1019) — граф Вэстэргётлянду, пасаднік у Ладазе
• Рагнвальд Брусасон († 1046) — граф Оркні
• Рагвалод-Барыс Усяславіч (канец 1040-х — 1128) — князь полацкі
• Рагнвальд Дурны († па 1130) — кароль Швэцыі
• Рагнвальд Калі Калсон (каля 1103—1158) — граф Оркні, Сьвяты
• Рагвалод-Васіль Барысавіч (1110-я — 1171 або 1180) — князь полацкі
• Крысьцін Рэгвальд — ковенскі мешчанін, які ўпамінаецца ў 1659 годзе

• Рага
• Валд

• Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. Аўтарскае выданне. — Менск, 2019. — 459 с. — (сьціслая вэрсія кнігі: Вытокі Вялікае Літвы. — Менск, 2021. — 89 с.)