Бамако: сталіца Малі

Знаходзіцца ў паўднёва-заходняй частцы краіны, на рацэ Ніґер, недалёка ад мяжы з Ґвінэяй. Колькасьць насельніцтва складае 1690 тыс. чалавек.

Бамако
Герб Бамако
Першыя згадкі:	XVIII стагодзьдзе
Краіна:	Малі
Акруга:	Бамако
Плошча:	245 км²
Насельніцтва (2009)
колькасьць:	1 809 106 чал.
шчыльнасьць:	7384,11 чал./км²
Геаграфічныя каардынаты:	12°38′45″ пн. ш. 7°59′32″ з. д. / 12.64583° пн. ш. 7.99222° з. д. / 12.64583; -7.99222 7°59′32″ з. д. / 12.64583° пн. ш. 7.99222° з. д. / 12.64583; -7.99222
Бамако на мапе Малі Бамако
Галерэя здымкаў у Вікісховішчы

У часы імпэрыі Малі, да ХІХ стагодзьдзя, Бамако быў цэнтрам вывучэньня ісламу. З 1883 году горад быў акупаваны каляніяльнымі францускімі войскамі, у той час і распачалася разбудова гораду. У 1908 годзе Бамако стаў сталіцай францускай калёніі Францускага Судану. У 1960 годзе горад стаў сталіцай незалежнага Малі. У пачатку ХХ стагодзьдзя Бамако быў невялікім паселішчам, у якім жылі ў асноўным прадстаўнікі народу малінке і бамбара, але разам з будовай плаціны ў Сатобе і завадненьнем навакольных зямель водамі Ніґеру пачаўся выбуховы рост гораду. Дадатковай прычынай разьвіцьця гораду была пабудова чыгункі да сталіцы Сэнэґалу Дакару, які зьяўляецца вялікім марскім портам. У нашы дні Бамако — гэта сучасная мэтраполія. Акрамя чыгункі ёсьць міжнародны аэрапорт, які злучае горад з многімі гарадамі Афрыкі і Эўропы.