بماکو
بماکو (فرانسیسی: Bamakó) (انگریزی: Bamako) جمہوریہ مالی کا دار الحکومت اور 1,690,471 (2006ء) آبادی کے ساتھ ملک کا سب سے بڑا شہر ہے۔ بماکو مالی کا سب سے زیادہ تیزی سے پھیلنے والا اور دنیا میں چھٹے نمبر پر تیزی سے پھیلنے والا شہر ہے۔ شہر ملک کے جنوب مغرب میں دریائے نائیجر پر واقع ہے۔ بماکو جمہوریہ مالی کا انتظامی مرکز ہونے کے ساتھ ساتھ دریائے نائیجر پر اہم ترین بندرگاہ اور علاقائی تجارت کا مرکز بھی ہے۔ اہم پیداوارں میں ٹیکسٹائل کی مصنوعات، گوشت اور دھاتی اوزار شامل ہیں۔ اس کے علاوہ دریائے نائیجر سے تجارتی پیمانے پر ماہی گیری بھی کی جاتی ہے۔
| بماکو | |
|---|---|
 | |
.svg) | |
.svg) نقشہ | |
| انتظامی تقسیم | |
| ملک |  مالی |
| دار الحکومت برائے | |
| جغرافیائی خصوصیات | |
| متناسقات | 12°38′45″N 7°59′32″W / 12.645833333333°N 7.9922222222222°W |
| رقبہ | |
| بلندی | |
| آبادی | |
| کل آبادی | |
| مزید معلومات | |
| جڑواں شہر | روچیسٹر، نیو یارک (1975–) آنژہ (1974–) ڈاکار بورڈو (1999–) بوبو-دیؤلاسو لائپزش عشق آباد ساؤ پالو (2000–) بانجول نواکشوط |
| اوقات | متناسق عالمی وقت±00:00 |
| آیزو 3166-2 | ML-BKO |
| قابل ذکر | |
| جیو رمز | 2460594 |
 | |
درستی - ترمیم  | |
تاریخ
آثار قدیمہ ظاہر کرتے ہیں کہ علاقہ پتھر کے زمانہ یا قدیم سنگی (Paleolithic) زمانہ سے آباد رہا ہے۔ لیکن موجودہ شہر کی بنیاد سترہویں صدی عیسوئ میں سیریبادیان نیارے (Seribadian Niaré) اور سومبا کولیبالی (Soumba Coulibaly) نے رکھی یا بامبا سانوگو (Bamba Sanogo) نے۔ شہر ایک اہم منڈی قرار پایا۔ 1883ء میں علاقہ فرانسیسیوں کے قبضہ میں گیا اور 1908ء میں شہر فرانسیسی سوڈان کا دار الحکومت بنا۔ شہر کی آبادی تیزی سے بڑھی اور 1960ء میں اس کی آبادی 160,000 تک پہنچ چکی تھی۔
جغرافیعہ اور منصوبہ شہر
شہر دریائے نائیجر پر آباد ہے جس کی وجہ سے شہر کے پھیلاو اور ترقی پر اثرات پڑے ہیں۔ سیلابی حد میں ہونے کی وجہ سے دریا کا مضافاتی علاقہ تعمیرات کے قابل نہیں ہے۔ سطح زمین ہموار ہے، ماسوائے شمال کے جہاں پرانے آتش فشاں کی باقیات ہیں۔ اسی علاقہ میں صدارتی محل اور ہسپتال تعمیر ہیں۔
ابتدائی طور پر شہر شمال میں ہی تعمیر کیا گیا تھا لیکن بعد میں بڑھتی آبادی کی ضروریات کو پورا کرنے کے لیے دریا پر پل بنا کر جنوبی طرف بھی تعمیرات کی گئیں اور آج شہر دریا کے دونوں طرف آباد ہے۔
کسی دور میں شہر میں ایک فوجی ہوائی اڈا ہوتا تھا جو آج ختم ہے اور اس جگہ شہر کا کاروباری علاقہ بنا ہے جسے ACI 2000 کہتے ہیں۔
روایتی تجارتی مرکز دریا کے شمال طرف تعمیر شہر میں ہے۔ مرکز شہر بہت زیادہ گنجان، آلودہ اور مہنگا ہے اور اب شہر مغرب کی طرف پھیل رہا ہے جہاں ACI 2000 واقع ہے۔ مالی حکومت اسی طرف ایک اور کاروباری مرکز بنانے کا اردہ رکھتی ہے۔
اہم عمارات میں مالی قومی کتب خانہ (National Library of Mali)، بی سی ای اے او ٹاور ( Tour BCEAO) اور بماکو مسجد (Bamako Grand Mosque) شامل ہیں۔
دیگر پرکشش مقامات میں مالی قومی عجائب گھر (Mali National Museum)، موسو کنڈا عجائب گھر (Muso Kunda Museum)، بماکو علاقائی عجائب گھر (Bamako Regional Museum)، بماکو چڑیا گھر (Bamako Zoo)، بماکو بوٹینیکل گارڈن (Bamako Botanical Gardens) اور پوائنٹ جی ہل (Point G hill) شامل ہیں۔ 1994ء سے بماکو میں افریقی تصورکشی کا دوسالہ مقابلہ (African Photography Encounters) منعقد کیا جاتا ہے۔
ذرائع آمدورفت
ہوائی سفر کے لیے شہر میں مالی کا سب سے بڑا ہوائی اڈا، سینو بین الاقوامی ہوائی اڈا (Senou International Airport) واقع ہے۔ اس کے علاوہ بماکو ڈکار نائیجر ریلوے (Dakar-Niger Railway) کی منزل بھی ہے جو مالی شہر کولیکورو کو سینیگالی دار الحکومت ڈکار سے ملاتی ہے۔
جڑواں شہر
آنجرز، فرانس
بوبودیولاسو، برکینا فاسو
ڈکار، سینیگال
لیپزگ، جرمنی
روکیسٹر، ریاست ہاۓ متحدہ امریکہ
ساو پاولو، برازیل
بیرونی روابط
- بماکو تہذیب و تمدن(فرانسیسی میں)آرکائیو شدہ (Date missing) بذریعہ bamako-culture.org (Error: unknown archive URL)
| ویکی ذخائر پر بماکو سے متعلق سمعی و بصری مواد ملاحظہ کریں۔ |
This article uses material from the Wikipedia اردو article بماکو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.