اریتره — آفریقا قیطعهسینین شرقینده دؤولت.
اریتره باشکندی (پایتختی) اسمره دور. ۴٬۴۰۱٬۰۰۹نفوسا صاحیب دیر. رسمی دیلی عرب دیلی ایله اینگیلیس دیلی دیر.
اریتره State of Eritrea | |||
---|---|---|---|
باشکند | اسمره | ||
رسمی دیل | Tiqrinya, عربی دیل، اینگیلیس دیلی | ||
گروه(های) نژادی | tiqrinya -55%, tiqre -30%, saho -4%, kunama -2% ,bilen -2%. | ||
پول بیریمی | تایرا | ||
اینترنت دومینی | .ng |
شرقی آفریقانین قوزئیندا یئرلشهن اؤلکه. غربده سودان، گونئیدا اتیوپی و گونئی-شرقده جیبوتی ایله همسرحددیر. اؤلکهنین شرقی و قوزئی-شرقی قیرمیزی دنیزی ساحلی بویونجا اوزانیر. باشکندی آسمرهدیر.
اریتره ایتالیا طرفیندن ایشغال ائدیلدی و رسمی اولاراق ۱ ژانویه ۱۸۹۰-جی ایلده بۇ اؤلکهنین موستملکهسینه چئوریلدی. ایتالیا ایکینجی دونیا محاربهسینده مغلوب اوْلدوقدان سوْنرا اریتره ۱۹۴۱-جی ایلدهن ۱۹۵۲-جی ایله قدر بیرلشمیش میلتلر تشکیلاتی-نین حمایهسینه وئریلمیشدیر. او زامان اؤلکهنین بایراغی بوتون رسمی دایرهلرده دالغالانیردی. ۲ دسامبر ۱۹۵۰-جی ایلده بیرلشمیش میلتلر تشکیلاتی-نین قراری ایله اتیوپییا بیرلشدیریلدی. ۱۹۵۱-جی ایلدهن ۱۹۶۲-جی ایله قدر اتیوپینین موختار بؤلگهسی اولاراق قالدی. خالقین ناراحاتلیغی بۇ قرارا قارشی آرتدی و اریتره ۳۰ ایل بویونجا اتیوپی حکومتینه قارشی دیرهندی و بۇ دیرنیش ۱۹۹۱-جی ایلده بیتدی. ۱۹۹۳-جو ایلده بیرلشمیش میلتلر تشکیلاتی-نین قراری ایله اریتره موستقیللیک الده ائتدی. اؤلکه چوخمدنیتلی و ایکیدینلیدیر. مۆعاصیر اریتره نین آدی ایلک دفعه ایتالیان ایشغالچیلاری طرفیندن ایستیفاده ائدیلمیشدیر.
۶٬۲۳۳٬۶۸۲ نفر. اؤلکهده یاشایانلارین ۵۵٪ تیگرینیا، ۳۰٪ تیگرئ، ۴٪ ساهو و دیگر ائتنیک قروپلاردیر.
اریتره دا اهالینین اکثریتی (۸۵٪) اکینچیلیک و حئیواندارلیقلا مشغولدور. اهالینین اوچده ایکیسی اوتوراق و یاری-اوتوراق، قالانی کؤچری حیات سورور. اؤلکداخیلی هاسیلاتی ۵۵۰ میلیون دوللار اولاراق حسابلانیر. آدامباشینا دوشهن میلّی گلیر ۱۵۰ دوللاردیر. اؤلکهنین ایقتصادی دورومو آغیردیر.
اریتره دا تحصیل بئشمرههلهلیدیر: آنا مکتب، ایبتدایی مکتب، ایلک مکتب، اورتا مکتب و بیلیم یوردو. ایبتدایی، ایلک و اورتا مکتبده تخمیناً ۲۴۵٫۰۰۰ مکتبلی تحصیل آلیر. تحصیلین شوعاری وطن، آنا دیلیدیر.
بو اؤلکه تیجارت و آلوئر اۆچون دونیانین باغلانتی نقطهسیدیر. اریتره مدنیتینده ایتالیان مدنیتینین ایزلرینی گؤرمک اولار. بۇ گون اؤلکهده ایتالیان مطبخیندن فایدالانمیش کافه لر فعالیت گؤستریر.
This article uses material from the Wikipedia تۆرکجه article اریتره, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.