Erytryja (Ertra, Państwo Erytryja - Hagere Ertra) – państwo we wschodńij Africe, nad Mořym Čyrwůnym.
Grańica mo s Etjopijům, Džibuti a Sudanym. Do Erytryje noležy ůng. 350 wyspůw na Mořu Čyrwůnym, m. in. archipelag Dahlak. Kraj je potaklowany na tři strefy klimatyčne: pustynno a půupustynno na wschodźe, žyzne wyžyny we tajle cyntralnyj a suche a gorůnce ńiżiny na zachodźe. Rygjůn Denakil, kery ležy tajlowo we depresyje noležy do najgoryntšych uobšarůw na coukij Źymje. Uodrymbność kulturowo uod Etjopije wźyna śe s ajnflusůw arabskich, kere sam zachodźiuy uod středńowječa, a wzmogua je uodrymbność kej kolůńije italskij we lotach 1936-1941. We 1952 Erytryjo přiuůnčůno ku Etjopije kej prowincyjo autůnomično. Jeij autůnůmijo zlikwidowano we 1962 roku. Uod anfanga lot 70. we Erytryje naśilou śe ruch separatystyčny, wspjerany bez kraje arabske. Etjopijo nale uoponowoua militarńy couko Erytryjo, při půmocy SSSR a Kuby. We 1993 odbyu śe sam abštimůng, we kerym wjynkšość mjyškańcůw wybroua samostanowjyńy, a ńyskoři je wkludzůno. We 1998 wybuchuo wojna etjopsko-erytryjska skiž zwady uo grańice, terozki strefa nadgrańično je patrolowano bez wojska pokojowe uONZ.
ሃገረ ኤርትራ إريتريا Państwo Erytryja | |||||
| |||||
Hymn: Ertra, Ertra, Ertra (Erytryja, Erytryja, Erytryja) | |||||
Uoficjalno godka | arabsko godka, godka tigrińijo | ||||
Stolica | Asmara | ||||
Polityczny systym | přejśćowy | ||||
Gowa państwa | prezydynt Erytryje Isajas Afewerki | ||||
Przikludziorz regjyrunku | prezydynt Erytryje Isajas Afewerki | ||||
Rozlygowańy • cołkowity • strzůdlůndowe wody | 96. we śwjeće 121 320 km² ~ 0% | ||||
Liczba ludźi (2008) • cołkowito • gynstość zaludńyńo | 114. we śwjeće 5 028 000 41 osůb/km² | ||||
ńypodlygość • proklamowano • uznano | uod Etjopije 29 maja 1991 24 maja 1993 | ||||
Religijo (głůwno) | |||||
Waluta | nakfa (ERN) | ||||
Czasowo zůna | UTC UTC +3 | ||||
Kod ISO 3166 | ER | ||||
Necowo důmyna | .er | ||||
Automobilowy kod | ERI | ||||
Telefůniczny kod | +291 | ||||
Autůnůmiczne terytoryja | |||||
Je to jedyn s nojbjydńejšych krajůw na śwjeće, wjynkšość ludnośći utřymuje śe s bauerstwa na potřeby wuasne. Je sam tyž nojsrogšo korupcyjo a uomano je wolność suowa.
This article uses material from the Wikipedia Ślůnski article Erytryja, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tekst udostympniany na licyncyji CC BY-SA 4.0, jeźli niy było podano inakszyj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ślůnski (DUHOCTRUNGQUOC.VN) is an independent company and has no affiliation with Wiki Foundation.