হিমা দাস: ভাৰতীয় দৌৰবিদ

হিমা দাস Hima Das
২০ বছৰ অনূৰ্ধ্ব বিশ্ব চেম্পিয়নশ্বিপ ২০১৮ত হিমা দাস
ব্যক্তিগত তথ্যাৱলী
ৰাষ্ট্ৰীয়তা	ভাৰতীয়
জন্ম	৯ জানুৱাৰী, ২০০০ (২৪ বছৰ) ধিং , নগাঁও জিলা, অসম
বাসগৃহ	গুৱাহাটী, অসম
ক্ৰীড়া
ক্ৰীড়া	ট্ৰেক আৰু ফিল্ড
শিতান	৪০০ মিটাৰ
প্ৰশিক্ষক	নিপন দাস আৰু নৱজিৎ মালাকাৰ
সফলতা আৰু শীৰ্ষস্থান প্ৰাপ্তিসমূহ
ব্যক্তিগত শ্ৰেষ্ঠ	৪০০ মিটাৰ: ৫০.৭৯ ছেকেণ্ড (এছিয়ান গেমছ ২০১৮, জাকাৰ্তা)
পদক অভিলেখ প্ৰতিনিধিত্ব কৰা দেশ  ভাৰত এছিয়ান গেমছ ২০১৮ জাকাৰ্তা, ইণ্ডোনেছিয়া ৪০০ মিটাৰ ২০১৮ জাকাৰ্তা, ইণ্ডোনেছিয়া ৪×৪০০ মিটাৰ মিশ্ৰত ৰিলে ২০১৮ জাকৰ্তা, ইণ্ডোনেছিয়া ৪×৪০০ মিটাৰ মহিলাৰ ৰিলে ২০ বছৰ অনূৰ্ধ্ব বিশ্ব চেম্পিয়নশ্বিপ ২০১৮ টেম্পায়াৰ, ফিনলেণ্ড ৪০০ মিটাৰ

বৰ্তমান হিমা মহিলাৰ ৪০০ মিটাৰ দৌৰত অনুৰ্ধ্ব শাখাৰ বিশ্ব চেম্পিয়ন আৰু ভাৰতীয় ৰেকৰ্ডৰ অধিকাৰী

২০০০ চনৰ ৯ জানুৱাৰী তাৰিখে নগাঁও জিলাৰ ধিঙত হিমাৰ জন্ম হয়। তেওঁৰ পিতৃ ৰঞ্জিত দাস আৰু মাতৃ জোনালী দাস। হিমা তেওঁলোকৰ ৬ গৰাকী সন্তানৰ ভিতৰত কনিষ্ঠতম। হিমায়ে স্কুলীয়া দিনৰে পৰা ল'ৰাৰ লগত ফুটবল খেলিবলৈ আৰম্ভ কৰিছিল। তাৰপাছত তেওঁৰ প্ৰতিভা খেলুৱৈ তথা প্ৰশিক্ষক নিপন দাসে প্ৰত্যক্ষ কৰি এথলেটিক্সত অংশগ্ৰহণ কৰিবলৈ উদগনি যোগায়। জিলাভিত্তিত খেলত অংশগ্ৰহণ কৰাৰ পিছত তেওঁৰ প্ৰশিক্ষণ আৰম্ভ হয়। তেওঁৰ প্ৰশিক্ষকে উন্নত প্ৰশিক্ষণৰ বাবে হিমাক গুৱাহাটীলৈ যাবলৈ পৰামৰ্শ আগবঢ়ায়। প্ৰথমে তেওঁৰ পৰিয়ালৰলোকে এই বিষয়ে আপত্তি কৰিছিল যদিও পিছলৈ তেওঁ সৰুসজাই ষ্টেডিয়ামত প্ৰশিক্ষণ ল'বলৈ আৰম্ভ কৰে।

হিমাই ২০১৮ চনত ফিনলেণ্ডৰ টেম্পায়াৰত অনুষ্ঠিত হোৱা আন্তঃৰাষ্ট্ৰীয় এথলেটিক্স সন্থাৰ বিশ্ব চেম্পিয়নশ্বিপ প্ৰতিযোগিতাত সোণৰ পদক অৰ্জন কৰে। এই ইভেণ্টত তেওঁ ৫১.৪৬ ছেকেণ্ড সময় লয়।. তেওঁ ২০১৮ চনৰ অষ্ট্ৰেলিয়াৰ গ'ল্ড ক'ষ্টত অনুষ্ঠিত হোৱা কমনৱেলথ গেমছত মহিলাৰ ৪০০ মিটাৰ দৌৰ আৰু ৪×৪০০ মিটাৰ ৰিলে দৌৰ সম্পূৰ্ণ কৰিছিল। ৪০০ মিটাৰ দৌৰ প্ৰতিযোগিতাত তেওঁ ফাইনেল পৰ্যন্ত আগবাঢ়ি ষষ্ঠ স্থান লাভ কৰিছিল। ৪×৪০০ মিটাৰ ৰিলে দৌৰত তেওঁ ভাৰতীয় দলৰ অংশ আছিল আৰু ফাইনেলত তেওঁলোকে সপ্তম স্থান লাভ কৰে। তেওঁ ২০১৮ চনত আন্তঃৰাষ্ট্ৰীয় এথলেটিক্স সন্থাৰ বিশ্ব চেম্পিয়নশ্বিপ প্ৰতিযোগিতাৰ ৪০০ মিটাৰ ৰেছত সোণৰ পদক লাভ কৰি ট্ৰেক আৰু ফিল্ড ইভেণ্টত পদক লাভ কৰা প্ৰথম গৰাকী ভাৰতীয় হিচাপে কৃতিত্ব অৰ্জন কৰে।

২০১৮ চনৰ ইণ্ডোনেছিয়াৰ ৰাজধানী জাকাৰ্তাত অনুষ্ঠিত এছিয়ান গেমছ ২০১৮ ৰ মহিলাৰ ৪০০ মিটাৰ দৌৰ প্ৰতিযোগিতাৰ প্ৰাৰম্ভিক পৰ্যায়ত তেওঁ ৫১.০০ ছেকেণ্ডৰে ৰাষ্ট্ৰীয় অভিলেখ গঢ়ি দ্বিতীয় স্থানত থাকি পৰৱৰ্তী পৰ্যায়লৈ নিৰ্বাচিত হয়। ২০১৮ চনৰ ২৬ আগষ্ট তাৰিখে তেওঁ আকৌ নিজৰ ৰাষ্ট্ৰীয় অভিলেখ ভাঙি ৫০.৭৯ ছেকেণ্ডেৰে চূড়ান্ত প্ৰতিযোগিতাত ৰূপৰ পদক লাভ কৰে।

 

• ২০১৮ চনৰ ২৫ চেপ্টেম্বৰত ভাৰতৰ ৰাষ্ট্ৰপতিৰ হাতেৰে অৰ্জুন বঁটা
• ২০১৮ চনৰ ১৪ নৱেম্বৰত ইউনিচেফৰ দ্বাৰা ভাৰতৰ সৰ্বপ্ৰথম যুৱ ৰাষ্ট্ৰদূত (Youth Ambassador) হিচাপে নিযুক্তি
• অসম চৰকাৰৰ দ্বাৰা অসমৰ ক্ৰীড়া ৰাষ্ট্ৰদূত(Brand Ambassador for sports) হিচাপে নিযুক্তি
• পোলেণ্ড ত অনুষ্ঠিত পজনান এথলেটিকচ গ্ৰাঁ প্ৰি ত ২০০ মিটাৰ দৌৰত স্বৰ্ণ বিজয়

ভোগেশ্বৰ বৰুৱাৰ পাছত হিমা দাস আন্তৰ্জাতিক পৰ্যায়ত পদক লাভ কৰা অসমৰ একমাত্ৰ এথলিট

২০১৮ চনৰ চেপ্টেম্বৰ মাহত হিমা দাসে বিশ্বখ্যাত এডিডাচ কোম্পানীৰ সৈতে ব্যৱসায়িক চুক্তি স্বাক্ষৰ কৰে ২০২৩ চনত তেওঁক অসম চৰকাৰে অসমৰ দ্বিতীয় সৰ্বোচ্চ অসামৰিক সন্মান অসম সৌৰভ বঁটা প্ৰদান কৰে।