লৱণ (ইংৰাজী: Salt (chemistry)) হৈছে অম্ল আৰু ক্ষাৰৰ প্ৰশমন বিক্ৰিয়াৰ ফলত উৎপাদিক হোৱা একপ্ৰকাৰৰ আয়নিত ৰাসায়নিক যৌগ। লৱণবোৰত বৈদ্যুতিক ভাৱে প্ৰশম (সামগ্ৰিকভাৱে আধানহীন) হৈ থকাকৈ সমতুল সংখ্যাৰ কেটায়ন (ধনাত্মক আয়ন) আৰু এনায়ন (ঋণাত্মক আয়ন) লগলাগি গঠিত হয়। এনে আয়নসমূহ ক্ল'ৰাইডৰ (Cl-) দৰে অজৈৱিক, বা এচিটেটৰ (CH৩CO২-) দৰে জৈৱিক; আৰু ফ্ল'ৰাইডৰ দৰে এটা অনুবিশিষ্ট (F-), অথবা ছালফেটৰ (SO৪২-) বহু অনুবিশিষ্ট হ'ব পাৰে।
বিভিন্ন প্ৰকাৰৰ লৱণ আছে।
সাধাৰণতে, মান উষ্ণতা আৰু চাপত অ-দ্ৰৱণীয় লৱণ বোৰ কঠিন, অৱশ্যে ব্যক্তিক্ৰমো দেখা পোৱা যায় (বিগলিত লৱণ আৰু আয়নিত তৰল চাওক)। বিগলিত লৱণ আৰু লৱণ যুক্ত দ্ৰৱ (যেনে- ছডিয়াম ক্ল'ৰাইড দ্ৰৱিভূত হৈ থকা পানী)ক ইলেক্ট্ৰলাইট বোলে, কাৰণ ই বিদ্যুৎ পৰিবহণ কৰিব পাৰে।
দেখা যায় যে, কোষৰ কোষপ্ৰৰস, তেজ, মূত্ৰ, উদ্ভিদ ৰস আৰু লৱণিকৃত পানী, বিভিন্ন মিশ্ৰিত আয়ন যুক্ত পানী, আদিৰ পানী বাষ্পীভূত হোৱাৰ পাছত তাত থকা নিৰ্দিষ্ট লৱণসমূহ গঠিত নহয়, সেয়ে দ্ৰৱিভূত আয়ন সাপেক্ষেহে লৱণ দ্ৰৱটোক বৰ্ণনা কৰা হয়।
বিভিন্ন বৰণৰ লৱণ দেখা পোৱা যায়:
বিভিন্ন লৱণৰ সোৱাদো ভিন্ন হয়, মূল সোৱাদ পাঁচটাৰ[ নে ছটা? ] আটাইকেইটা সোৱাদৰে লৱণ পোৱা যায়। লুণীয়া: ছডিয়াম ক্ল'ৰাইড; মিঠা: লেড ডাইএচিটেট, ইয়াক খালে লেড বিষক্ৰিয়া হয়; টেঙা: পটেছিয়াম বাইটাৰট্ৰেট; তিতা: মেগনেছিয়াম ছালফেট, আৰু কেহেতা: মন'ছডিয়াম গ্লুটামেট।
শক্তিশালী অম্ল আৰু শক্তিশালী ক্ষাৰৰ লৱণবোৰ সাধাৰণতে গন্ধহীন। আনহাতে দুৰ্বল অম্ল বা দুৰ্বল ক্ষাৰৰ লৱণবোৰত সমন্ধীয় অম্লটোৰ গন্ধ থাকে, যেনে, এচিটেটবোৰ এচিটিক এচিড (ভিনেগাৰ)ৰ দৰে, চাইনাইড হাইড্ৰ'জেন চাইনাইডৰ দৰে গোন্ধায়, বা ক্ষাৰটোৰ গন্ধ থাকে, যেনে, এম'নিয়াম এম'নিয়াৰ দৰে গোন্ধায়।
লৱণবোৰ পানী বা এনে দ্ৰৱত দ্ৰৱীভূত হৈ লৱণ দ্ৰৱ সৃষ্টি কৰে। প্ৰতিটো যৌগ গঠন কৰা আয়নসমূহৰ দ্ৰৱীভূত হোৱাৰ অনন্য দ্ৰৱণীয়তা থাকে। দ্ৰাৱ্যৰ লগত আয়নসমূহৰ আন্তঃক্ৰিয়াৰ ভিত্তিত লৱণৰ দ্ৰৱণীয়তা ভিন্ন হয়। উদাহৰণ স্বৰূপে, সকলো ছডিয়াম, পটেছিয়াম আৰু এম'নিয়াম লৱণ পানীত দ্ৰৱীভূত হয়, আনহাতে সকলো নাইট্ৰেট, আৰু বেৰিয়াম ছালফেট, কেলচিয়াম ছালফেট, আৰু লেড ছালফেটৰ দৰে বহু ছালফেট লৱণ ইয়াৰ ব্যতিক্ৰম। যিবোৰ লৱণৰ আয়নবোৰ শক্তিশালী বন্ধনৰ দ্বাৰা সুস্থিৰ গঠন (লেটিছ) লাভ কৰে, সিহঁতৰ দ্ৰৱণীয়তা কম হয়, কাৰণ দ্ৰৱত আয়ণবোৰৰ গঠন সহজে ভাগি নেযায়। যেনে, লেড কাৰ্বনেট, বেৰিয়াম কাৰ্বনেটৰ দৰে কাৰ্বনেট লৱণ বোৰ।
দ্ৰৱীভূত হ'ব পৰা কাৰ্বনেট লৱণ কিছুমান হৈছে: ছডিয়াম কাৰ্বনেট, পটেছিয়াম কাৰ্বনেট, আৰু এম'নিয়াম কাৰ্বনেট।
কঠিন লৱণবোৰ পৰিবাহী নহয়, তৰল লৱণবোৰ বিদ্যুৎৰ সুপৰিবাহী। আনহাতে লৱণ দ্ৰৱসমূহৰ মাজেৰে বিদ্যুৎ প্ৰৱাহিত হয়।
লৱণবোৰ বিভিন্ন ধৰণৰ ৰাসায়নিক বিক্ৰিয়াৰ দ্বাৰা গঠিত হয়:
This article uses material from the Wikipedia অসমীয়া article লৱণ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.