Ivier
L' ivier, c' est l' dierinne såjhon d' l' anêye, li pus froede.
I cmince li 21 di decimbe, et-z esse houte li 20 di måss (e l' Dimeye-Bole Bijhrece).
Moes d' ivier
Les moes ki sont so l' ivier, c' est l' fén do moes d' decimbe, cwand l' waeyén-tins a leyî ouve, li moes d' djanvî, di fevrî et li cminçmint do moes d' måss, la kel bontins atake.
Sacwants grands moumints di l' ivier
el nateure
- li nive, li relêye, li djivronde
- sognaedje des oujheas k' iviernêynut e payis.
dins les cinses
- les biesses sont rintrêyes dins les ståves.
dins l' societé
- li fiesse del novelan
- les shijhes
- les mascarådes (inte di zeles, li cwarmea d' Måmdey)
dins li rlidjon crustinne
- li fiesse do Noyé
- li Tchandleuse
- kiminçmint do cwareme
L' ivier et l' reschandixhaedje del Daegne
E l' Walonreye, i shonne ki les iviers estént pus froeds å cmince do 20inme sieke k' a s' difén.
Eredjistrumints djåzant d' l' ivier
| Eredjistrumint | Tecse do cåzaedje |
|---|---|
| Bén li djournêye d’ on gamén di m’-n ådje, ça comince todi å matén cwand on rexhe do lét. Et cwand c’ esteut l’ Noyé, li prumî cayet k’ on fjheut, c’ esteut d’ waitî on pô l’ tins k’ i fjheut. Don, dji m’ levéve, dji m’ abiyive vitmint et dj’ aléve vey… båker al vite. Et bén sovint, on n’ veyeut nén foû del vite, pask’ i gn a veut pont d’ tchåfaedje, et c’ esteut edjalé. Li cwårea esteut tot… flori – åy, tot djusse. On s’ meteut l’ nez conte li vite, on shofléve on pô, pu ça s’ (disgadjive)… ça rlignive, cwè. Pu on aveut on ptit rond come ene pîce di deus uros, et pu on waitive : « a ! enute, i nive. » Et pu : « a ! i fwait setch ! ». Et pu c’ est tot. Et pu, on dusvaléve al coujhene. |
Hårdêyes difoûtrinnes
- Pådje di l' ivier (so l' Aberteke)
so Wikisourd: Categoreye:Ivier (tos tecses so l' ivier)
Sourdants & pî-notes
This article uses material from the Wikipedia Walon article Ivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.