Óskarsverðlaunin: Bandarísk kvikmyndaverðlaun
Óskarsverðlaunin (enska: Academy Awards eða óformlega the Oscars) eru bandarísk kvikmyndaverðlaun veitt kvikmyndagerðarmönnum og öðrum sem starfa við kvikmyndir.
Verðlaunahátíðin er yfirleitt sú best kynnta og mest áberandi á Vesturlöndum, og verðlaunin af flestum talin þau eftirsóknarverðustu. Óskarsverðlaunin eru veitt af Bandarísku kvikmyndaakademíunni (Academy of Motion Picture Arts and Sciences), samtökum fólks sem starfar við kvikmyndagerð í Bandaríkjunum, og er aðild að þeim einungis veitt í heiðursskyni.
| Óskarsverðlaunin | |
|---|---|
 | |
| Veitt fyrir | Framúrskarandi árangur í kvikmyndagerð |
| Land | Bandaríkin |
| Umsjón | Bandaríska kvikmyndaakademían |
| Fyrst veitt | 16. maí 1929 |
| Vefsíða | oscars |
Árið 2003 voru 5.816 meðlimir í akademíunni með kosningarétt við val á Óskarsverðlaunahöfum. Óskarsverðlaunin hafa verið veitt árlega frá 1929.
Fyrsta framlag Íslands til tilnefningar á Óskarsverðlaunahátið var myndin Land og synir eftir Ágúst Guðmundsson frá árinu 1980 en það var í 53. sinn sem hátíðin var haldin.
Verðlaunaflokkar
Núverandi flokkar
| Upphafsár | Verðlaunaflokkur |
|---|---|
| 1927/28 | Besta kvikmynd |
| 1927/28 | Besti leikstjóri |
| 1927/28 | Besti leikari í aðalhlutverki |
| 1927/28 | Besta leikkona í aðalhlutverki |
| 1927/28 | Besta kvikmyndataka |
| 1927/28 | Besta heildarútlit/listræn stjórnun |
| 1927/28 | Besta handrit byggt á öðru verki |
| 1929/30 | Besta hljóð |
| 1930 | Besta stutta teiknimyndin |
| 1931/32 | Besta leikna stuttmyndin |
| 1934 | Besta klipping |
| 1934 | Besta frumsamda kvikmyndatónlistin |
| 1934 | Besta frumsamda lag |
| 1936 | Besti leikari í aukahlutverki |
| 1936 | Besta leikkona í aukahlutverki |
| 1939 | Bestu tæknibrellur |
| 1940 | Besta frumsamda handritið |
| 1941 | Besta stutta heimildarmyndin |
| 1943 | Besta heimildarmynd |
| 1947 | Besta alþjóðlega kvikmyndin |
| 1948 | Besta búningahönnun |
| 1981 | Besta förðun og hárgreiðsla |
| 2001 | Besta teiknimynd |
Íslenskar tilnefningar til Óskarsverðlauna
Eftirtaldir íslenskir aðilar eða myndir hafa fengið tilnefningu Bandarísku kvikmyndaakademíunnar til Óskarsverðlauna.
- Mynd Friðriks Þórs Friðrikssonar, Börn náttúrunnar hlaut tilnefningu í flokknum „Besta erlenda myndin“ árið 1991.
- Björk Guðmundsdóttir hlaut tilnefningu í flokknum „besta lagið“ fyrir „I've seen it all“ úr mynd Lars von Triers, Myrkradansaranum árið 2000.
- Síðasti bærinn eftir Rúnar Rúnarsson og Þór S. Sigurjónsson var tilnefnd í flokknum „Besta leikna stuttmyndin“ árið 2005.
- Jóhann Jóhannsson hlaut tilnefningu í flokknum „besta frumsamda tónlist“ úr mynd James Marsh, The Theory of Everything árið 2015.
- Hildur Guðnadóttir var tilnefnd til Óskarsverðlauna fyrir bestu frumsömdu tónlistina fyrir kvikmyndina Joker árið 2020.
- Árið 2021 var stuttmynd eftir Arnar Gunnarsson og Gísla Darra Halldórsson, Já-fólkið, tilfefnd í flokknum Besta teiknaða stuttmyndin.
- Árið 2023 var stuttmynd Söru Gunnarsdóttur, My Year of Dicks, tilfefnd í flokknum Besta teiknaða stuttmyndin.
Íslenskir Óskarsverðlaunahafar
- Árið 2020 vann Hildur Guðnadóttir Óskar fyrir bestu frumsömdu tónlistina fyrir myndina Joker og varð fyrst Íslendinga til að vinna slík verðlaun.
Tilvísanir
Tengill
This article uses material from the Wikipedia Íslenska article Óskarsverðlaunin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.