Zelda La Grange
Zelda la Grange is die voormalige privaatsekretaresse van Nelson Mandela.
Sy het nie net sekretariële werk vir hom gedoen nie, maar was ook sy woordvoerder, reisgenoot en 'n vertroueling wat 19 jaar saam met hom gewerk het.
Zelda la Grange | |
|---|---|
| Gebore | 29 Oktober 1970 |
| Nasionaliteit | Suid-Afrika |
| Beroep | Sekretaresse |
| Bekend vir | Versorging van Nelson Mandela |
Biografie
La Grange is op 29 Oktober 1970 in Pretoria, Suid-Afrika gebore. Haar vader was 'n uitvoerende bestuurder by Suid-Afrikaanse brouerye en het later sy eie slaghuis bedryf. Haar moeder was 'n onderwyseres. Beide haar ouers was nasionaliste. Hulle het in Wonderboom-Suid gewoon, waar sy op 20-jarige ouderdom vir die eerste keer van Mandela se bestaan te wete gekom het.
Sy het 'n "uitvoerende sekretariële diploma" van die destydse Technikon Pretoria ontvang. Vanaf 1994 tot 1996 werk sy as 'n tikster vir Mary Mxadana, destyds Nelson Mandela se privaatsekretaresse. In 1996 word sy tot assistent-privaatsekretaresse bevorder en in 1999 word sy die Privaatsekretaris van die Kantoor van die President. Sedert 1999, na Mandela se uittrede, het sy hom tot sy dood in Desember 2013 bygestaan en help versorg.
Sy sien haarself as 'n ere-kleindogter van Mandela, 'n stelling wat Mandela self beaam het. Na Madiba se afsterwe het sy R50 000 van hom geërf (soos al sy persoonlike werknemers), en voortgegaan om sy humanitêre werk te koördineer en te koester.
Verwysings
Bronne
- "Zelda la Grange oor Festival voor het Afrikaans 2018". LitNet. 13 September 2018. Besoek op 16 September 2018.
Eksterne skakels
- "Ms Zelda la Grange (Profile)". Who's Who of Southern Africa. April 2007.
- John Carlin (8 Junie 2008). "Mandela's rock: John Carlin meets Nelson Mandela's secretary Zelda la Grange". The Observer.
- Aurelia Dyantyi (3 Junie 2004). "Protecting Madiba is Zelda's passion in life". The Star. p. 6.
- Edward Malnick (18 Julie 2009). "The other woman behind a great man". Cape Argus. p. 6.
This article uses material from the Wikipedia Afrikaans article Zelda la Grange, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.