Torpedolipvis
Die torpedolipvis (Pseudocoris heteroptera) is 'n vis wat voorkom in die westelike Indiese Oseaan.
In Engels staan die vis bekend as die Torpedo wrasse.
| Torpedolipvis | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | Cuvier, 1816 |
| Genus: | Pseudocoris |
| Spesie: | P. heteroptera |
| Binomiale naam | |
| Pseudocoris heteroptera (Bleeker, 1857) | |
Identifikasie
Die vis word tot 15cm lank en het 'n slanke lyf. Die volwasse mannetjies is groenblou met donker vertikale strepe oor die sye en 'n donker vlek agter die oog. Die stertvin is deurskynend met swart rante. Die strepe op die agterkant van die lyf wissel na gelang van die gemoedstoestand van die vis.
Die jong gebore visse en volwasse wyfies is grysgeel en die stertvin is ook deurskynend met swart rante. Later word die onvolwasse visse swart met 'n ligte penskant en twee kenmerkende strepe op die sye terwyl die dorsale-, anale- en stertvinne geel is.
Die vis leef in aflandige koraal- en rotsriwwe in water wat 8 tot 50 m diep is. Die mannetjies is alleenlopend maar bly naby die wyfies wat op hulle beurt in klein groepies saambly. Hulle swem dikwels saam met ander klein vissies bo die rif rond. Die visse vreet soöplankton.
Sien ook
Eksterne skakel
Bron
- The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3
Verwysings
This article uses material from the Wikipedia Afrikaans article Torpedolipvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.