The Lookout
Sir Percy Fitzpatrick en sy vrou Lady Fitz is by The Lookout langs die Sondagsrivier naby Kirkwood begrawe.
Die terrein is in 1953 tot 'n nasionale gedenkwaardigheid verklaar.
The Lookout lê effens noord van Sunland, 'n nedersetting aan die pad tussen Kirkwood en Addo. Fitzpatrick het die stukkie grond op die oostelike oewer gekoop sodat sy gaste vanaf daardie uitstekende rotspunt 'n onbelemmerde en besonder wye uitsig oor die landerye en lemoenboorde in die vrugbare Sondagsriviervallei kon kry. Boonop het hy daar 'n uitkyktoring laat bou met daaromheen die inheemse plante van die gebied. In 1953 het sy skoonseun en dogter die terrein aan die staat geskenk met 'n ruim bedrag vir die instandhouding daarvan.
'n Plaat aan die toring gedenk sir Percy se seun, Percy Nugent George Fitzpatrick, wat tydens die Eerste Wêreldoorlog in Frankryk gesneuwel het.
Bibliografie
- Oberholster, J.J.: Die historiese monumente van Suid-Afrika. Kaapstad: Kultuurstigting Rembrandt van Rijn vir die Raad vir Nasionale Gedenkwaardighede, 1972. ISBN 0-620-00191-7
This article uses material from the Wikipedia Afrikaans article The Lookout, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.