Steve Biko Akademiese Hospitaal: Hospitaal
Die Steve Biko Akademiese Hospitaal is 'n hospitaal in Pretoria, Suid-Afrika.
Die hospitaal het vroeër as die Pretoria Akademiese Hospitaal, en voor 1994 as die H.F. Verwoerd-hospitaal bekend gestaan. Die hospitaal word suiwer as tersiêre opleidingsinstelling vir gesondheidsorg gebruik. Dit is die belangrikste akademiese hospitaal van die Universiteit van Pretoria, saam met Kalafong Hospitaal in Atteridgeville aan die westekant van die middestad. Die hospitaal het 832 beddens.
Geskiedenis
Die eerste instelling vir gesondheidsorg in Pretoria was naby die militêre kaserne in Potgieterstraat geleë.
Op 21 Junie 1890 het president Paul Kruger die hoeksteen van die nuwe 130-bed Volkshospitaal gelê. Ten spyte van talle uitbreidings, wat onder andere deur die griepepidemie van 1918 genoodsaak is, was die hospitaal nie voldoende vir die stad se bevolking nie.
Op 22 April 1927 is die hoeksteen vir die bestaande hospitaal, die Pretoria Algemene Hospitaal, gelê. Die hospitaal se naam is 1967 na die H.F. Verwoerd-hospitaal hernoem. In 1997 verander dit na die Pretoria Akademiese Hospitaal en uiteindelik in 2008 na die Steve Biko Akademiese Hospitaal.
Sien ook
Verwysings
Eksterne skakels
- Amptelike webtuiste Geargiveer 27 Junie 2015 op Wayback Machine
28°11′59″O / 25.73271°S 28.19978°O
This article uses material from the Wikipedia Afrikaans article Steve Biko Akademiese Hospitaal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.