Mary Renault: Engelse skrywer
Mary Renault (4 September 1905 – 13 Desember 1983) is die skrywersnaam van Mary Challans.
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Sy was 'n leerling van Clifton High School in Bristol, waarna sy verder aan die St. Hugh's College en Radcliffe Infirmary in Oxford gestudeer het.
Mary Renault | |
|---|---|
| Gebore | Eileen Mary Challans 4 September 1905 |
| Sterf | 13 Desember 1983 (op 78) |
| Nasionaliteit | .svg){kind=small} Verenigde Koninkryk |
| Alma mater | St Hugh's College, Oxford |
| Beroep | Romanskrywer, historikus, verpleegster |
| Eggenoot | Julie Mullard |
| Ouer(s) | Frank Challans Mary Clementine Newsome Baxter Challans |
Sy het haar opleiding as verpleegster in 1937 voltooi. Van 1939 af en gedurende die Tweede Wêreldoorlog het sy as verpleegster gewerk, maar terselfdertyd ook begin skryf. Haar eerste roman, The purposes of love, het reeds in 1939 verskyn. Na die oorlog het sy verskeie reise onderneem, onder meer na Griekeland en Kreta, voordat sy haar in 1948 in Suid-Afrika gevestig het. As romanskryfster het sy bekend geword veral vanweë haar uitbeelding van die Klassieke tyd en die lewe in die Oudheid.
Die drie romans The last of the wine (1956). The king must die (1958) en The bull from the sea (1962) handel al drie oor die Griekse verlede en is al drie deur die kritici geloof vanweë die korrektheid van die historiese detail daarin vervat. In 1966 het The mask of Apollo gevolg.
Sy het haar biografie van Alexander die Grote in Fire from heaven (1970) begin en die Silver Pen Award van P.E.N. International in 1971 daarvoor ontvang. Sy het die biografie voortgesit in The Persian boy (1972). wat later een van haar beste verkopers geword het. Renault het, afgesien van 'n aantal ander romans met 'n Klassieke tema, ook enkele romans met ’n hedendaagse en oorlogstema geskryf.
Sy sterf op 13 Desember 1983 in Kaapstad.
Verwysings
Bronnelys
- Wêreldspektrum, 1982, ISBN 0-908409-65-6, volume 24, bl. 7
Eksterne skakels
- (en) "Mary Renault". Encyclopædia Britannica. Besoek op 3 September 2019.
This article uses material from the Wikipedia Afrikaans article Mary Renault, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.