Godsdiens Van Die Faroëreilande
Die grootste Faroëse godsdiens vorm deel van die Evangelies-Lutherse beweging.
Die tweede grootste Protestante beweging is die Open Brethren gemeenskap. Die Faroëreilande is tussen Skotland en Ysland geleë en word deels deur Denemarke beheer. Sodoende het die volk baie lank dieselfde geloof as die Dene beoefen.
Die Faroëreilande het 'n Katolieke staat omstreeks die jaar 1000 geword. Die land het oorspronklik aan Noorweë behoort, maar val in 1523 onder Deense jurisdiksie. Die laaste Katolieke Biskop van die Faroëreilande was Amundur Olavson; hy is in 1540 vervang deur die eerste Lutherse biskop, Jens Gregorsøn Riber.
Die Færeyinga saga is antieke bewyse wat die leser inlig hoe die land verchristelik het. Die saga vertel hoe die koning van Noorweë vir Sigmund beveel het om per skip na die Faroëreilande te reis, met die opdragte van die koning. Sigmund se opdragte was duidelik: hy moes 18 klein eilandjies kersten, wat hy ook gedoen het, volgens die saga. Hierdie gebeurtenis het waarskynlik rondom 1000 plaasgevind. Die Faroëse het geen georganiseerde Katolieke Kerk voor omstreeks 1100 gestig nie, so dit wil lyk of daar teenstrydighede in die saga kan voorkom.
Die derde grootste godsdiensgroep is die charismatiese beweging.
Vandag vorm die Katolieke kerk 'n bitter klein minderheidsgroep. Daar is ook klein groepies Sewendedagadventiste, Jehovagetuies en Bahá'ís in die land.
This article uses material from the Wikipedia Afrikaans article Godsdiens van die Faroëreilande, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.