Dikbeklewerik
Die dikbeklewerik (Galerida magnirostris) is 'n klein sangvoëltjie.
Dit kom in die suidelike dele van Afrika naamlik in Suid-Afrika, Lesotho en die suide van Namibië voor.
| Dikbeklewerik | |
|---|---|
 | |
| Namakwa Nasionale Park, Noord-Kaap Suid-Afrika | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Galerida |
| Spesie: | G. magnirostris |
| Binomiale naam | |
| Galerida magnirostris (Stephens, 1826) | |
Habitat
Die natuurlike habitat van die dikbeklewerik is fynbos, Karoo en grasveld. Dit word ook in bewerkte en braaklande gevind. Soos ander lewerike bou dit 'n nes op die grond. Voeding is saad en insekte, laasgenoemde veral in die broeiseisoen.
Voorkoms
Die dikbeklewerik is 18 cm in lengte. Dit het 'n relatief kort stert en het 'n dik snawel met 'n geel basis. Dit het 'n gestreepte bruin-grys rugkant en lang wit wenkbroue. Soos ander spesies in die genus het dit 'n kuif wat kan waaier as die voël in gevaar verkeer of sing. Die borskant is roomkleurige met swaar donker strepe op die bors. Die groot tweekleurige snawel onderskei hierdie spesie van alle ander afrikalewerike.
Hierdie baie luidrugtige spesie maak 'n sagte, maar verdraende gekraakte treeeeleeeeleee – soos 'n geroeste hek wat oopgemaak word.
Sien ook
Verwysings
Bronnelys
- Sinclair, Hockey and Tarboton, SASOL Birds of Southern Africa, ISBN 1-86872-721-1
- BirdLife International Geargiveer 29 September 2007 op Wayback Machine
| Wiki Commons bevat media in verband met Galerida magnirostris. |
This article uses material from the Wikipedia Afrikaans article Dikbeklewerik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.