Maan Galatea
Galatea (Grieks: Γαλάτεια), ook bekend as Neptune VI, is die vierde naaste maan van Neptunus.
Dit is genoem na een van die 50 Nereïdes in die Griekse mitologie op wie die sikloop Polyphemus vergeefs verlief was.
 Galatea soos gesien deur Voyager 2 (die verlenging is weens beweging) | |
| Ontdekking | |
|---|---|
| Ontdek deur | Stephen P. Synnott / Voyager 2 |
| Datum | Julie 1989 |
| Wentelbaaneienskappe | |
| Epog 18 Augustus 1989 | |
| Halwe lengteas | 61 953 ± 1 km |
| Wentelperiode | 0,42874431 ± 0,00000001 d |
| Baanhelling | 0,052 ± 0,011° |
| Satelliet van | Neptunus |
Fisiese eienskappe | |
| Afmetings | 204×184×144 km (±~10 km) |
| Gem. radius | 88 ± 4 km |
| Volume | ~2,8×106km³ |
| Massa | 2,12 ± 0,08 ×1018 kg |
| Gem. digtheid | ~0,75 g/cm³ (geraam) |
| Oppervlak- aantrekkingskrag | ~0,0021 m/s2 |
| Ontsnapping- snelheid | ~0,0021 km/s |
| Rotasieperiode | Sinkronies |
| Ashelling | Nul |
| Temperatuur | ~51 K (geraam) |
| Skynmagnitude | 21,9 |
Galatea is laat in Julie 1989 ontdek op foto's deur Voyager 2 en het die voorlopige naam S/1989 N 4 gekry. Die ontdekking (IAUC 4824) is op 2 Augustus 1989 aangekondig, maar net "10 raampies wat oor 5 dae geneem is" word genoem; die ontdekking was dus die een of ander tyd voor 28 Julie. Die maan het op 16 September 1991 die naam Galatea gekry.
Beskrywing
Dit het ’n onreëlmatige vorm en toon geen tekens van geologiese veranderings nie. Dit kan ’n rommelhoop wees wat bestaan uit fragmente van Neptunus se oorspronklike mane, wat opgebreek is tydens versteurings deur die maan Triton kort nadat laasgenoemde in ’n baie eksentrieke oorspronklike wentelbaan vasgevang is.
Galatea se wentelbaan lê onder Neptunus se radius vir sinkroniese wentelbane en dit tol dus langsamerhand na binne vanweë getyvertraging. Dit kan eindelik met die planeet bots of in ’n nuwe planetêre ringstelsel opbreek wanneer dit sy Rochelimiet oorskry vanweë gety-uitrekking.
Dit lyk of Galatea ’n herdersmaan vir Neptunus se Adams-ring 1 000 km buite sy wentelbaan is. 42:43-baanresonansies met Galatea word ook beskou as die waarskynlikste meganisme wat die unieke ringboë in dié ring bymekaarhou. Galatea se massa is geraam na aanleiding van die radiale versteurings wat dit op die ring uitoefen.
Verwysings
Eksterne skakels
- Galatea Geargiveer 1 Augustus 2007 op Wayback Machine by [1] Nasa se Solar System Exploration
- Neptune's Known Satellites (deur Scott S. Sheppard)
- Wiki Afrikaans
Wiki Commons het meer media in die kategorie Galatea (maan). 
Hierdie artikel is vertaal uit die Engelse Wiki
This article uses material from the Wikipedia Afrikaans article Galatea (maan), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.