Cause Célèbre
'n Cause célèbre (Frans vir opsienbarende saak; meervoud: causes célèbres, op dieselfde manier uitgespreek as die enkelvoud) is 'n saak of voorval wat wyd omstredenheid en openbare debattering veroorsaak.
Die term word algemeen in die media gebruik – soms op 'n positiewe manier vir omstrede regsake vanweë hulle presedentwaarde, maar meer dikwels op 'n negatiewe manier vir berugte sake weens die skaal, skandaal, verontwaardiging of samesweringsteorieë wat betrokke is.
Dit is een van verskeie Franse terme wat algemeen in Afrikaans gebruik word, omdat dit 'n leenwoordgroep is. Dit word dus nie gekursifiseer nie.
Daar is al opgemerk dat die openbare aandag wat aan 'n spesifieke saak of voorval gegee word, die feite kan verdoesel eerder as opklaar. Volgens een waarnemer word die ware verhaal van menige cause célèbre nooit geopenbaar in die getuienis of die advokaat se toespraak nie, "maar kan die fiete uit ou koerante herontdek word wanneer die stof van die tyd hulle immuun teen skandaal gemaak het".
Voorbeelde
'n Paar voorbeelde van causes célèbres in die afgelope dekades was:
- Die moord op George Floyd, VSA, 2020
- Die moord op Jamal Khashoggi, Turkye, 2018
- Pussy Riot-verhoor, Rusland, 2012
- O.J. Simpson-moordverhoor, VSA, 1994-1995
- Tate-LaBianca-moorde, VSA, 1969
- Die sluipmoord op John F. Kennedy, VSA, 1963
Verwysings
Skakels
Hierdie artikel is in sy geheel of gedeeltelik uit die Engelse Wiki vertaal.
This article uses material from the Wikipedia Afrikaans article Cause célèbre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.