Adam Dollard, sieur des Ormeaux (Dollard des Ormeaux; in sy doodsertifikaat word sy naam Daulat gespel, terwyl ook spellings soos Daulac voorkom) (23 Julie 1635 - 25 Mei 1660) was die kommandant van die fort in Ville-Marie (die huidige Montreal), Nieu-Frankryk.
Hy het op die ouderdom van 22 jaar na Nieu-Frankryk gekom en is deur Maisonneuve in diens geneem.
Adam Dollard des Ormeaux | |
---|---|
Die standbeeld van Adam Dollard des Ormeaux in Montreal se Lafontaine-park | |
Gebore | 23 Julie 1635 Ormeaux, Brie, Frankryk |
Sterf | 25 Mei 1660 Carillon, Nieu-Frankryk |
Bekend vir | Slag van Long Sault |
In die lente van 1660 het hy saam met 16 metgeselle 'n klein fort naby die Long Sault-stroomversnellings teen 'n groot leër van die Irokesestam verdedig. Sowat 'n week later het hulle gesneuwel toe kruit in die fort ontplof het.
19de eeuse geskiedkundiges het die slag tussen Irokese en Franse setlaars uitgebeeld as 'n godsdienstige en nasionalistiese heldedig waarin Rooms-Katolieke hulself opsetlik opgeoffer het om 'n aanval op die kolonie Nieu-Frankryk af te weer. Adam Dollard word as een van die "helde van Nieu-Frankryk" vereer, aangesien sy weerstand moontlik 'n beplande Irokese aanval op die kolonie Nieu-Frankryk vertraag het. Dollard-Des Ormeaux, 'n stad in die metropolitaanse gebied van Montreal met 48 000 inwoners, is na Adam Dollard vernoem.
This article uses material from the Wikipedia Afrikaans article Adam Dollard des Ormeaux, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.