花生

花生
1897年一本植物插圖描繪嘅花生
物種分類
域(Domain): 真核域 Eukarya 界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 豆目 Fabales 科 豆科 Fabaceae 亞科 蝶形花亞科 Faboideae 屬 花生屬 Arachis 種 花生 A. hypogaea
二元學名
Arachis hypogaea L.

呢種植物重係咁多陸上植物當中，唯一一種喺地上開花，地下結果嘅植物。

落花生

呢種植物由於喺地上開花，地下結果，加上一定要喺好黑嘅地下環境入面先至可以生到花生出嚟，所以「落花生」嘅名就係噉嚟。

花生荳

花生因為係荳，所以有時都會叫「花生荳」。

花生喺唔同國家嘅語言入面，甚至係喺古代都有唔同嘅嗌法。以下係唔同國家語言嘅唔同嗌法：

佢一般有30—50厘米高。葉係對生，一個梗（kwaːŋ˨˥；kwaang3）有四嚿葉，其中一對響個梗尖。葉長1—7厘米，闊1—3厘米。花同其他荳花類似，一般係單生或簇生品種，2—4厘米大。花係黃帶紅脈。其中，單生嘅品種係生喺樹杈頂，呢啲花一般唔結果；但係簇生品種嘅可以結果，一般生喺樹枝下邊，喺佢受咗花粉後會生實，變成一到四粒種子嘅莢荳，生到三到七厘米長，最後插入到等熟。

其實早喺1492年，哥倫布發現咗新大陸之後，花生就傳到世界各地。佢最先嚟到非洲嘅畿內亞，跟住由葡萄牙人將佢帶到歐亞板塊嗰帶。

花生嘅核除咗可以用嚟就噉食，亦可以整成好多品種嘅食品（例如花生餅、花生仁、花生餅乾、花生醬、花生牛奶……）同油，喺植物油入面，花生油嘅品質係最好嘅。另外，花生衣有止血素，可以用嚟縮短凝血時間。

營養價值

花生嘅營養價值都好犀利下，其中佢粒核有50—58%脂肪，30%蛋白質，而且佢啲油氣比較清香。

藥用價值

另外，花生喺藥用方面，佢有和胃同潤肺嘅功效。

雖然花生係有好多營養價值，但佢重有負面嘅因素：

1. 如估食得太多花生嘅話，好容易食滯，講得大劑啲，可以搞到連續幾日肚疴。
2. 喺潮濕嘅環境入面儲存嘅話，會生黃曲霉素，而黃曲霉素可以搞到人同動物生癌。

SNOOPY漫畫

喺美國，從1950年代開始一直賣到2000年初嘅「花生」漫畫，由於嗰本嘢係嗰時漫畫界史入面，第一部有好多角色系列嘅漫畫，結果喺美國街頭好多人睇，喺全世界都好出名。

中國，全球第一花生產量國

花生喺中國內地嘅生產量喺全球嚟講係出嗮名嘅。如估按全球產量嚟講，喺2012年曾經以1670萬噸嘅生產量排全球第一，幾乎霸咗成個地球嘅一半生產量。尤其係山東嗰邊，佢係出油第一大省，幾乎霸咗⅓嘅中國內地嘅出油量。

俗語

喺臺灣，由於花生成日喺地下結果，所以嗰頭有句「頂開花，下結籽」嘅俗語。另外，喺粵語區入面，重有句「剝花生」嘅俗語。

植物形態

葉    花    花生喺落咗花之後，直接喺地底度出果。張相左邊嗰樖嘢係花生準備出果嗰時。    花生出果嘅部位    未搣殼之前嘅果    搣咗殼之後未搣衣之前嘅果    搣咗殼又搣埋衣嘅果    花生都有白殼嘅品種    盆栽花生

用途

花生醬    花生油    花生糖    烤花生    炸花生    煮花生    花生、腰果、M&M's、葡萄乾，杏仁。一般喺過大節嗰時請人客食

經濟

喺湖北街頭搞嘅花生販賣站    喺非洲某個街頭賣嘅花生    印度一花生田    日本一花生田（嗰時係花生已經收成，喺度曬緊嘅。）