印度河文明時期,又叫哈拉帕文明時期,係指世界四大文明之一嘅古印度,約莫公元前3300年到前1300年嘅文明。
印度河流域文明發生晏過兩河流域文明、尼羅河流域文明,但係早過商朝。考古專家喺印度河流域搵到摩亨佐達羅同埋哈拉帕兩個古代城市遺址,搵到好多石器、青銅器同農作物遺迹,同時出土好多印章,但係印章上面嘅文字到呢家都無人解讀到,甚至確定唔到渠究竟係文字定係圖象符號(印度河文字)。估計城市人口都喺4萬之上。
兩個城市嘅中心都有一個人工堆成嘅土墩,用來衞城。喺呢個土墩上面建有大穀倉,對於佢嘅居民來講,呢個就好似而家嘅中央銀行。城市建築以衛城為中心呈網格狀分佈,有市政建築、場集、作坊、儲存區、民居同埋神廟。每座民居都圍住個院,有幾個房、一間廁所同一口水井。喺摩亨佐達羅嘅衞城上造咗一個大浴池,有私人浴池、會所等。
印度河流域嘅農民種大麥、小麥、棉花、瓜同椰棗。佢哋重養象同埋水牛喺田入面做嘢。呢道有好多手藝精湛嘅製陶人,佢哋用陶輪做陶器,呢個喺嗰時係一項嶄新技術。哈拉帕人用石器,重用青銅做刀、武器、碗同埋雕像。佢哋建立咗發達嘅廢物處理系統,包括有蓋板嘅排水系統同埋倒垃圾嘅斜槽。
留低印度河流域文明嘅居民主要係當地嘅白印度人。家下啲人重解讀唔到佢哋嘅文字。佢哋同蘇美爾城市嘅居民做生意,亦同印度以及中亞部落嘅人做生意,呢個地區同蘇美爾嘅文明好似。印度河文明持續咗800年,重未有人知佢點樣完,但係有幾種講法:河水泛濫、瘟疫、貿易、經濟或國內秩序崩潰等等,甚至有核武戰爭嘅講法。
This article uses material from the Wikipedia 粵語 article 印度河文明, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.