Ceblizaçon De L Bal De L Ando

Sploraçones arqueológicas rebelórun ruínas ampressionantes de ceblizaçones cun 4500 anhos de eidade an parte de l bal de l riu Ando, ne l subcuntinente andiano. Esta cultura ourbana i mercantilista, sustentada pul comércio de pordutos agrícolas, declinou antre ls seclos XIX a.C. i XIX a.C. i ne l seclo XVII a.C., probablemiente an cunsequéncia de alteraçones eicológicas.

L nome ceblizaçon harappeana ten sido ousado zde la década de 1980, an lhugar de ceblizaçon de l Bal de l Ando. Esto porque Harappa, que dá nome a la ciblizaçon, nun stá ne l bal de l Ando, i la cultura acupou ária abrangente.

• Harappa
• Mohenjo-daro

Por buolta de l quinto milénio A.P., alhá bibiu un pobo que outelizaba las chenas de l riu i anfrentaba ls riscos de las einundaçones. Bibendo de la agricultura i de l comércio, apareciu ua cidade, cujas moradies atestában la sofisticaçon alcançada por aquel pobo. Las casas oufrecian todo l cunfuorto doméstico:un poço anterno cun auga fresca, sala de banhos, pátio cun balaustrada i clarabóia mantenendo l aire fresco, cozina, dependéncias de serbício, quarto para drumir ne l andar superior pa ls duonhos de la casa i ne l andar anferior para sous serbos.