Ahmatova Anna

23. kezaku 1889, Odess, Ukrain, Venäman imperii — kol. 5. keväz'ku 1966, Domodedovo, Moskvan agj, Venäman NFST, NSTÜ) oli tetab venämalaine i nevondkundaline runokirjutai, kirjutai, literaturarvostelii da kändai. Aigaline sädamine sättub literaturan akmeizm-likundale, mohemba oli modernizman ezitajan.

Ahmatova Anna
Anna Ahmatovan portret (pirdi Kuz'ma Petrov-Vodkin, 1922)
nimi sündundan jäl'ghe:	ven.: Анна Андреевна Горенко
radmižen toižend:	писательница, переводчица, kirjanduskriitik, поэтесса, autor, литературовед
sündundan dat:	11 (23) kezaku 1889[1][2][3]
sündundan sijaduz:	Odess, Hersoni kubermang[d], Venemaa keisririik[d][1][4][5][6][2]
valdkund:	Venemaa keisririik[d][7][8]  Nevondkundaližiden Socialistižiden Tazovaldkundoiden Ühtištuz[9][10]
kolendan dat:	5. keväz'ku 1966(1966-03-05)[4][2][12][13][14][15][16][17][18][19][20][21][3] (76 vot)
kolendan sijaduz:	Domodedovo (lidn), Vene NFSV[d], Nevondkundaližiden Socialistižiden Tazovaldkundoiden Ühtištuz[22][23][24][25][2]
tat:	Andrey Gorenko[d]
mam:	Inna Stogova[d]
avtograf:
Ahmatova Anna VikiAitas
Om sädusid VikiPurtkiš

Ezmäižed runod oma publikoitud aiglehtesihe vl 1911. Akmeizman runokogodused oma «Eht» (ven.: Вечер, 1912) i «Čotkad» (Чётки, 1914). Ahmatovan sädamižen pirdad oma olendan moraližiden alusiden arvostuz, mujandan psihologijan tarkoiged el'genduz, rahvahan 20. voz'sadan tragedijoiden meletamine. Navedi runokelen klassižen stilin.

Avtobiografine «Rekviem»-poem (1935−1940; om pästtud Münhenha vl 1963, NSTÜ:he vl 1987) om üks' ezmäižiš runosädusišpäi 1930-nziden voziden repressijoiden polhe. «Poem pähengeta» (Поэма без героя, 1940−1962, om pästtud NSTÜ:he läz täuzin vl 1976) kuvastab runokirjutajan nügüd'aigan kacegid Hobedaižes aigaspäi Toižhe mail'man sodahasai. Ahmatova jäti kirjutusid Aleksandr Puškinan i Mihail Lermontovan sädamižes, mainitesid nügüd'aigaižiš kirjutajiš.

Zavotten vspäi 1922 Anna Ahmatovan kirjad alištuiba cenzurale. Vll 1925−1939 i 1946−1955 Ahmatovan runoišt ei olend pästtud ani. Ezmäine znamasine nevondkundaline runokogoduz om pästtud Leningradha vl 1976.

Naine oli lähtnu mehele koume kerdad. Üks'jäine Lev Gumilöv-poig ezmäižes naimiželospäi.