ანა ახმატოვა (რუს.
Го́ренко; დ. 23 მანგი [ჯვ.სტ. 11 მანგი], 1889, ოდესა, ხერსონიშ გუბერნია, რუსეთიშ იმპერია — ღ. 5 მელახი, 1966, მოსკოვი, რსფსრ, სსრრ) — რუსი პოეტი, ჭარუ დო მათანგალი. ნომინირაფილი რდჷ ნობელიშ პრემიაშა ლიტერატურაშ დარგის. თიში პოეზია ორხველუდჷ აკმეიზმიშ ლიტერატურულ გემაჸვენჯობას.
ანა ახმატოვა | |
დაბადებაშ თარიღი: | |
---|---|
დაბადებაშ აბანი: | ოდესა, ხერსონიშ გუბერნია, რუსეთიშ იმპერია |
ღურაშ თარიღი: | მელახი 5, 1966 (76 წანერი) |
ღურაშ აბანი: | |
ერუანობა: | |
საქვარუა: | |
პერიოდი : | 1912—1965 |
Magnum opus: | რექვიემი |
ნინა: | |
ჯილდოეფი: | ეტნა-ტაორმინაშ პრემია (1964) |
ანა ახმატოვა გურაფულენდჷ ომაფე გიმნაზიას. უკულ გურაფა გაგინძორჷ კიევიშ უნივერსიტეტის. პოეზიათ ორდოიანი წანეფიშე დეინტერესჷ. ლიტერატურული კარიერა 1910-იან წანეფს დიჭყჷ. მაართა ლერსეფი 1912 წანას გჷმაბჟინუ. ახმატოვას ტრაგიკული ცხოვრება უღუდჷ. თიში მაართა ქომონჯი ნიკოლაი გუმილიოვი 1921 წანას გორხვეს, ახმატოვაშ მასმა ქომონჯიქ ნიკოლაი პუნინიქ გულაგის დოღურჷ, გულაგის, ბრელ წანას ხედჷ ახმატოვაშ სქუა ლევ გუმილიოვი ხოლო.
ანა ახმატოვაშ არძაშე უმოსო შინელი ნაწარმები რე პოემა "რექვიემი", სოდეთ ავტორი ეთმოჭარუნს ადამიერეფიშ რინას სტალინური ტირანიაშ დო ტერორიშ თუდო. რექვიემი რუსული ლიტერატურაშ შედევრო რე მერჩქინელი.
ახმატოვაშ ნაჭარეფი სსრრ-შ ცენზურაქ აკრძალჷ, ბრელი ხოლო დოჭვეს დო მოჯალაგეს. მარა ჸათეშ გეშათ, ახმატოვას რუსეთი ვადუტებუ დო ემიგრაციაშა ვაულინჷ. ახმატოვაქ ღურუ 1966 წანაშ 5 მელახის, 76 წანერქ.
ანა ახმატოვაქ 1964 წანას მიპალუ ეტნა-ტაორმინაშ პრემია (იტალია). 1965 წანაშე რდჷ ოქსფორდიშ უნივერსიტეტიშ საპატიო დოქტორი. 1989 წანას სანქტ-პეტერბურგის გინწყჷ ანა ახმატოვაშ ლიტერატურულ-მემორიალურ მუზეუმქ.
This article uses material from the Wikipedia მარგალური (Margaluri) article ანა ახმატოვა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.