ალფონს გაბრიელ „ალ“კაპონე (Alfonso Capone; ოლაჸაფინია ჯოხოთ ჭყოლირი სახე; დ.
17 ღურთუთა, 1899 — ღ. 25 ღურთუთა, 1947) — ამერიკალი უბადოშ მაქიმინალი, ნამუთ 1920-1930-იან წანეფს ჩიკაგოშ ტერიტორიას აკონტროლენდჷ. დგიმიშ ბიზნესიშ ოფულათ დაკინებულ რდჷ ბუტლეგარათ, ოლაჸაფე ბიზნესით დო პროსტიტუციათ. ჭიე-ჭიეთ ააშ-იშ ორგანიზაფილი დჷმაშებუეფიშ იტალიურ მაფიას ართ-ართი არძაშე გოლინამ გამა-კოჩო გინირთჷ.
ალ კაპონექ დებადჷ ნიუ იორკის იტალიარი ემიგრანტეფიშ ფანიას. კაპონექ ორდოიანი ასაკიშე ქაკათჷ კრიმინალური ბანდაშ საქვარეფს, თიშ უკული, მუთ 14 წანაშ ხანს სკოლაშე გიშაჸოთესჷნ. 1920-იანი წანეფიშ დაჭყაფურს თიქ გინორთჷ ჩიკაგოშა, თიშენ ნამდა გიმურინუაფუდკო ფარაშ შიბაშ ახალი ჯან-ღვენეფი, სქირი კანონიშ ბორჯის უკანონე ალკოჰოლური ოშუმალით ვაჭარუაშ შარათ. ხოლო ოკათუდჷ შხვადოშხვა კრიმინალურ საქვარეფს, მოხელეეფიშ მართამალუას დო პროსტიტუციაშ ორგანიზაფას.
უკანონე საქვარეფიშ მოხ, კაპონე რდჷ საჯარო ფიგურათ. თინა ოხვარუდჷ შხვადოშხვა ქირსიანიშ სქუაშ ორგანიზაციეფს ეთი ფარათ, ნამუსით მუში საქვარით შიბულენდჷ, ათეშენ მინშა თის იშინუანდეს "ალეიანი რობინ ჰუდო". კაპონეშ რეპუტაციაქ თიშ უკული ილახჷ, მუთ ოკათუდჷ "წიმინდა ვალენტინიშ დღაშ ჭყვადუა-მერეხუას", სოდეთ აწმარენჯი ბუნაშ შქვითი უბადოშ მაქიმინალი ღურათ საჯეს.
ღურჷ 1947 წანაშ 25 ღურთუთას გურით.
This article uses material from the Wikipedia მარგალური (Margaluri) article ალ კაპონე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.