فارسی ویکیپیڈیا آن لائن دائرۃ المعارف ویکیپیڈیا کا فارسی نسخہ ہے۔ اس کا آغاز دسمبر 2003ء میں ہوا تھا۔ فارسی ویکیپیڈیا نے 1000 مضامین کا سنگ میل 16 دسمبر 2004ء میں عبور کیا اور 10 جولائی 2016ء کو 200,000 مضامین مکمل کیے۔ روزبہ پورنادر فارسی ویکیپیدیا پروجیکٹ کے پہلے منتظم، ڈویلپر اور مامور اداری ہیں۔
سائٹ کی قسم | انٹرنیٹ دائرۃ المعارف |
---|---|
دستیاب | فارسی زبان |
مالک | ویکیمیڈیا فاؤنڈیشن (غیر منافع بخش) |
ویب سائٹ | fa.wikipedia.org |
الیکسا درجہ | ایران: 3 (اپریل 2017) فارسی زبان: 1 (April 2017) |
تجارتی | نہیں |
اندراج | اختیاری (البتہ محفوظ صفحات میں ترمیم، نئے صفحات کے بنانے اور فائلیں اپلوڈ کرنے کے لیے کھاتا ضروری ہے) |
صارفین | 669,086 (سب مندرج، بمطابق 21 اگست 2017ء) |
آغاز | دسمبر 19، 2003 |
مواد لائسنس | کریئیٹیو کامنز اجازت نامہ 3.0 (بیشتر مواد گنو آزاد مسوداتی اجازت نامہ کے تحت دوہرے اجازت نامے کا حامل ہے) فائلوں کے اجازت نامے مختلف ہوتے ہیں |
جنوری 2013ء میں فارسی ویکیپیڈیا میں تقریباً 50,000 نئے مضامین ایک ہی ماہ میں شامل کیے گئے۔ کچھ دنوں بعد 19 فروری 2013ء کو فارسی ویکیپیڈیا نے 300,000 مضامین مکمل کیے اور یوں 18واں بڑا نسخہ بن گیا۔ فی الحال فارسی ویکیپیڈیا پر 1,000,631 مضامین موجود ہیں اور اس لحاظ سے یہ مضامین کی تعداد کے اعتبار سے 17واں بڑا نسخہ ہے۔
فارسی ویکیپیدیا کے مضامین کی گہرائی کا سکور 176 ہے اور اس حساب سے یہ ویکیپیڈیا کے تمام نسخوں میں 7 واں بڑا نسخہ ہے ۔
نومبر 2013ء میں یونیورسٹی آف پینسلوینیا کے ادارہ مرکز برائے عالمی مواصلاتی مطالعہ نے ایک رپورٹ شائع کی، جس کے مطابق کولن اینڈرسن اور نیما نزیری نے فارسی ویکیپیڈیا کے 800,000 صفحات کا معائنہ کیا اور پایا کہ ایرانی حکومت نے ان میں سے 963 مضامین کو بلاک کر رکھا ہے۔ فارسی ویکیپیدیا کے صارفین کا کہنا ہے کہ “حکومتی حریف، اقلیتوں کے مذہبی عقائد، صوبہ جات کی تنقید، حکومت اور پولس کے متعلق صفحات اور مضامین کو برابر سنسر کیا جاتا ہے۔ بلاک شدہ مضامین میں سے تقریباً نصف سوانح عمریاں ہیں اور ان لوگوں پر مضامین ہیں جن کو حکومت نے مار دیا“۔ اینڈرسن کا کہنا ہے کہ فارسی ویکیپیڈیا ایرانی انٹرنیٹ کا کائنات اصغر ہے۔ ممنوع متون کو بے نقاب کرنے کی سب سے اچھی جگہ فارسی ویکیپیڈیا ہے۔
This article uses material from the Wikipedia اردو article فارسی ویکیپیڈیا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.