ویانا
ویانا (Vienna) آسٹریا کا دار الحکومت اور ملک کی 9 ریاستوں میں سے ایک ہے۔ یہ ملک کا سب سے بڑا شہر ہے جس کی آبادی 1.6 ملین ہے۔ اس کے علاوہ یہ آسٹریا کا ثقافتی، اقتصادی و سیاسی مرکز بھی ہے۔ ویانا وسط یورپ کے جنوب مشرقی گوشے میں دریائے ڈینیوب کے کنارے واقع ہے اور چیک جمہوریہ، سلوواکیا اور ہنگری کے قریب ہے۔ 2001ء میں شہر کے مرکز کو عالمی ثقافتی ورثہ قرار دیا گیا۔
| ویانا | |
|---|---|
| (آسٹریائی جرمن میں: Wien)(آسٹریائی جرمن میں: Groß-Wien) | |
 | |
 |  |
| تاریخ تاسیس | 1ویں صدی ق م |
 نقشہ | |
| انتظامی تقسیم | |
| ملک |  آسٹریا (27 جولائی 1955–) آسٹریا-مجارستان (30 مارچ 1867–11 نومبر 1918) آسٹریائی سلطنت (11 اگست 1804–29 مارچ 1867).svg){kind=small} نازی جرمنی (مارچ 1938–1945).svg){kind=small} سلطنت ہیبسبرگ (1526–10 اگست 1804).svg){kind=small} آسٹریائی آرچڈچی (1453–1526) |
| دار الحکومت برائے | |
| تقسیم اعلیٰ | آسٹریا |
| جغرافیائی خصوصیات | |
| متناسقات | 48°13′00″N 16°22′00″E / 48.21667°N 16.36667°E |
| رقبہ | |
| بلندی | |
| آبادی | |
| کل آبادی | |
| مزید معلومات | |
| جڑواں شہر | |
| اوقات | متناسق عالمی وقت+01:00 (معیاری وقت )، 00 (روشنیروز بچتی وقت )، مرکزی یورپی وقت |
| گاڑی نمبر پلیٹ | W |
| رمزِ ڈاک | 1000–1239 1400 1402 1251–1255 1300–1301 1421 1423 1500 1502–1503 1600–1601 1810 1901 |
| فون کوڈ | 01 |
| آیزو 3166-2 | AT-9 |
| قابل ذکر | |
| باضابطہ ویب سائٹ | باضابطہ ویب سائٹ |
| جیو رمز | 2761369 |
 | |
درستی - ترمیم  | |
تاریخ
شہر کی بنیادیں 500 قبل مسیح میں پڑیں۔ 15 قبل مسیح میں شہر رومی سلطنت کا حصہ بنا اور یہ شمال کے جرمن قبیلوں کی جارحیت کے خلاف اہم سرحدی شہر تھا۔
قرون وسطی میں یہ شہر بیبن برگ اور ہیبس برگ خاندانوں کا پایہ تخت تھا۔ 16 ویں اور 17 ویں صدی میں عثمانی ترکوں کی یورپ میں فتوحات کا سلسلہ جاری تھا لیکن وہ ویانا سے آگے نہ بڑھ سکے اور 1529ء اور 1683ء میں دو عظیم محاصرے ناکام ہو گئے۔ جس طرح جنگ ٹورس نے مغربی یورپ میں اسلام کی پیش قدمی روکی اسی طرح ویانا کے محاصروں کی ناکامی سے وسط یورپ میں اسلام مزید نہ پھیل سکا۔ یورپ کی مسیحی تاریخ میں محاصرہ ویانا کی فتوحات انتہائی اہمیت کی حامل ہیں۔
1805ء میں شہر آسٹرین سلطنت کا دار الحکومت بنا اور بعد ازاں آسٹرو ہنگرین کا پایہ تخت قرار پایا اور یورپی و عالمی سیاست میں اہم ترین کردار ادا کیا۔ 1918ء میں پہلی جنگ عظیم کے بعد ویانا جمہوریہ آسٹریا کا دار الحکومت بنا۔ 1938ء سے دوسری جنگ عظیم کے اختتام تک ویانا برلن کے مقابلے میں اپنا دار الحکومت کا اعزاز کھوچکا تھا۔ 1945ء میں اتحادی افواج نے ویانا کو 4 حصوں میں تقسیم کر دیا۔
مذہب
2001ء کی مردم شماری کے مطابق شہری آبادی کی مذہبی تقسیم مندرجہ ذیل ہے۔
| رومن کیتھولک | 49.2 فیصد |
| لامذہب | 25.7 فیصد |
| مسلمان | 7.8 فیصد |
| آرتھوڈوکس | 6.0 فیصد |
| پروٹیسٹنٹ (اکثریت لوتھرن) | 4.7 فیصد |
| یہودی | 0.5 فیصد |
| دیگر | 6.3 فیصد |
بین الاقوامی حیثیت
اقوام متحدہ اور کئی دیگر عالمی تنظیموں اور اداروں کے دفاتر ویانا میں قائم ہیں جن میں اقوام متحدہ کی صنعتی ترقی کی تنظیم UNIDO، تیل برآمد کرنے والے ممالک کی تنظيم OPEC، عالمی ادارہ جوہری توانائی IAEA، جوہری تجربات پر پابندی کے معاہدے کے ادارے CTBTO اور یورپ میں تحفظ اور تعاون کی انجمن OSCE کے دفاتر شامل ہیں۔
مزید برآں اقوام متحدہ کے کمیشن برائے بین الاقوامی تجارتی قوانین UNCITRAL کا دفتر بھی ویانا میں قائم ہے۔
جڑواں شہر
بلغراد، سربیا
براسلاوا، سلوواکیا
بڈاپسٹ، ہنگری
لوبلیانا، سلووینیا
تل ابیب، اسرائیل
وارسا، پولینڈ
زغرب، کرویئشا
کیف، یوکرین
- ویانا - Wien
-
-
-
-
-
-
-
-
-
حوالہ جات
This article uses material from the Wikipedia اردو article ویانا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.