بین جنس
بین جنس ایک عمومی اصطلاح ہے جس کا اطلاق کئی اقسام پر ہوتا ہے جن میں ایک شخص ایک ایسے تناسل یا جنسی ہیئت کے ساتھ پیدا ہوتا ہے جو مردانہ یا زنانہ کی روایتی تعریف میں نہیں آتے۔ مثلاً ایک شخص پیدائشی طور پر اوپر زنانہ لگ سکتا ہے، مگر اندر سے زیادہ تر روایتی مردانہ ساخت کا حامل ہے۔ یا ایک شخص ایسے عضو تناسل کے ساتھ پیدا ہوتا ہے جو مردانہ اور زنانہ دونوں کے بیچ کا درجہ ہو —جیساکہ ایک لڑکی ظاہر طور وسیع فرج رکھے یا ایسا عضوتناسل رکھے جس کے درمیان خلا نہ ہو یا ایک لڑکا قابل غور حد تک مختصر حشفہ رکھتا ہو یا اس کے فوطے یوں پھیلے ہوں جیسے کہ کسی عورت کی فرج کا وہ حصہ ہوں۔
حالانکہ بین جنس کو ایک پیدائشی کیفیت کہا جاتا ہے، بین جنس کی جسمانی ساخت پیدائش کے وقت ہمیشہ واضح نہیں ہوتی۔ کبھی کبھی ایک شخص کی بین جنس ہیئت کا سن بلوغ تک پہنچنے تک انکشاف نہیں ہوتا یا وہ خود کو تناسل کے قابل نہیں پاتا یا بڑی عمر کو پہنچ کر انتقال کرجاتا ہے لاش کے معائنے سے یہ پتہ چلتا ہے۔ کچھ لوگ بین جنس جسم کے ساتھ جیتے اور مرتے ہیں اور کوئی بھی (جن میں خود وہ شامل ہیں) حقیقت حال سے ناواقف ہی رہتا ہے۔
کس کس طرح کے فرق کو جنسی ساخت کے بین جنس ہونے پر محمول کیا جا سکتا ہے؟ اس سوال کے مختلف لوگوں کی جانب سے مختلف جوابات ہیں۔ اسی وجہ سے بین جنس کوئی حتمی یا فطری زمرہ نہیں قرار پاتا ہے۔
اس کا مطلب یہ ہے کہ بین جنس ایک سماجی طور پر اُٹھایا گیا زمرہ ہے جو ایک حقیقی حیاتیاتی تبدیلی کی عکاسی کرتا ہے۔
This article uses material from the Wikipedia اردو article بین جنس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.