بطلیموس: یونانی النسل مصری ماہر فلکیات، محقق اور منجم
بطلیموس (Ptolemy) دوسری صدی عیسوی کا مشہور یونانی ماہر فلکیات، جغرافیہ دان اور ریاضی دان۔ اسکندریہ مصر میں پیدا ہوا۔ اس نے نظام شمسی کا زمین مرکزی (Earth-centered) نظریہ پیش کیا۔ اس موضوع پر اُس کی کتا ب ’’المجستی‘‘ بہت مشہور ہے۔ جو تیرہ جلدوں یا مقالات پر مشتمل ہے۔ اور جس کا موضوع فلکیات ہے۔ پہلے دو تمہیدی مقالوں میں فلکیات کے مبادیات اور ریاضی کے طریقوں کی شرح کی گئی ہے۔ مقالہ سوم میں ایک سال کے طول اور سورج کی حرکت پر بحث کی گئی ہے۔ مقالہ چہارم مہینوں کے طول اور چاند کے گھٹنے بڑھنے پر ہے۔ مقالہ پنجم میں سورج، چاند اور زمین کا قطر، ان کے ابعداد اور سورج کے فاصلے کا بیان ہے۔ ’’المجستی‘‘ فلکیات کا، جس حد تک یہ علم 150ء کے قریب انسان کی دسترس میں تھا اس کا مفصل جائزہ ہے۔
| بطلیموس | |
|---|---|
| (قدیم یونانی میں: Κλαύδιος Πτολεμαῖος) | |
 | |
| معلومات شخصیت | |
| پیدائشی نام | (قدیم یونانی میں: Κλαύδιος Πτολεμαῖος) |
| پیدائش | سنہ 100ء |
| وفات | سنہ 170ء (69–70 سال) اسکندریہ |
| رہائش | اسکندریہ |
| شہریت | قدیم روم |
| عملی زندگی | |
| پیشہ | ریاضی دان ، جغرافیہ دان ، ماہر فلکیات ، منجم ، موسیقی کا نظریہ ساز ، فلسفی ، ماہر موسیقیات ، مصنف |
| پیشہ ورانہ زبان | قدیم یونانی |
| شعبۂ عمل | فلکیات ، نجوم ، ریاضی ، میکانیات ، بصریات ، جغرافیہ ، موسیقی کا نظریہ ساز ، نظریہ موسیقی |
| ملازمت | کتب خانہ اسکندریہ |
| کارہائے نمایاں | المجسطی ، جغرافیہ ، ربع |
| مؤثر | ارسطو |
درستی - ترمیم  | |
اس میں بطلیموس نے اپنا فلکیاتی نظام قائم کیا جو ڈیڑہ ہزار سال تک صحیح سمجھا جاتا رہا۔ علمی دنیا میں یہ ’’بطلیموسی نظام‘‘ کے نام سے مشہور ہے جس کے مطابق زمین ساکت اور قائم ہے اور سورج، چاند اور دیگر سیارے اس کے گرد گھومتے ہیں۔ 1400ء میں پولینڈ کے ماہر فلکیات کو پرنیکس، گلیلیو اور کپلر کی تحقیقات نے اس نظریے کو غلط ثابت کر دیا اب ساری دنیا میں کوئی اس کو ماننے والانہیں۔ بطلموس کی ایک اورعظیم تصنیف ’’ جغرافیۂ بطلیموس ‘‘ 8 جلدوں میں ہے۔ اس کتاب کی بھی قریب قریب وہی وقعت ہے جو المجستی کی۔ جس طرح المجستی پورے حسابی فلکیات پر حاوی ہے اسی طرح جغرافیہ بھی پورے حسابی یا ہندسی جغرافیے کا احاطہ کرتا ہے۔ اور اس نے علم جغرافیہ پر ایسا ہی گہرا اثر ڈالا ہے۔ جیسا المجستی نے فلکیات پر ۔
مزید دیکھیے
بیرونی روابط
| ویکی ذخائر پر بطلیموس سے متعلق سمعی و بصری مواد ملاحظہ کریں۔ |
This article uses material from the Wikipedia اردو article بطلیموس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.