Charles Dickens

Nilikha niya ang ilan sa pinaka hindi malilimutang mga tauhang pampanitikan. Hindi nawawalan ng mga kopyang nakalimbag ang kanyang mga nobela at mga maiikling kuwento.

Charles Dickens
Kapanganakan	7 Pebrero 1812 Portsmouth (City of Portsmouth, Hampshire, South East England, Inglatera)
Kamatayan	9 Hunyo 1870 Gads Hill Place (Higham, Gravesham, Kent, South East England, Inglatera)
Libingan	Westminster Abbey
Mamamayan	United Kingdom of Great Britain and Ireland
Trabaho	manunulat, nobelista, mamamahayag, social critic, mandudula, may-akda, children's writer, editor, prosista, botaniko
Asawa	Catherine Dickens (2 Abril 1836–Hunyo 1858)
Anak	Charles Dickens, Jr. Mary Dickens Kate Perugini Walter Landor Dickens Francis Dickens Alfred D'Orsay Tennyson Dickens Sydney Smith Haldimand Dickens Henry Fielding Dickens Dora Annie Dickens Edward Dickens
Magulang	John Dickens Elizabeth Dickens
Pirma

Karamihan sa kanyang mga gawa ang unang lumitawa sa mga pahayagan at mga magasin sa anyong hulugan o seryalisado (mga serye), isang mas gustong paraan ng paglalathala ng kathang-isip noong panahong iyon. Hindi katulad ng ibang mga manunulat na binubuo muna ang buong mga nobela bago magsimula ang paglalathalang pauna-una ang mga bahagi, kalimitang isinusulat ni Dickens ng baha-bahagi ang kanyang mga nobela ayon sa pagkakasunud-sunod kung paano ito dapat lumitaw. Nagbigay ang gawain niyang ganito ng isang partikular na ritmo para sa kanyang mga kuwento, na may sunud-sunod na mga "pambitin" upang mapanatili ang pananabik ng madlang mambabasa sa susunod na labas. Matutunghayan sa kanyang mga gawa ang nakita niyang pangangailangan ng pagbabago sa lipunan o reporma.

Hinangaan si Dickens ng mga manunuring pampanitikan at kapwa mga nobelistang katulad nina George Gissing at G. K. Chesterton dahil sa kanyang pagkadalubhasa sa prosa, at para sa kanyang tanghalan ng natatanging mga tauhan o karakter, na karamihang nagtamo ng katayuang huwaran sa mundong nagsasalita ng Ingles. Ngunit may iba namang katulad nina Henry James at Virginia Woolf na pinagbintangan siya ng pagkakaroon ng sentimentalidad at bilang hindi mabibigyan ng masigabong palakpakan.