Ang pagkakaroon ng mga kulugo sa ari (Ingles: genital wart) ay isang uri ng sakit na nakukuha sa pakikipagtalik.
Lumilitaw ang mga kulugong ito sa titi at kiki, maging sa puwit, ng taong nahawahan mga anim hanggang labingdalawang buwan pagkalipas na mahawa. Dinudulot ito ng impeksiyon mula sa condylomata acuminate o papilomang birus na pantao (Ingles: human papilloma virus, HPV).
Kabilang sa mga sintomas ng sakit na ito ang pangangati ng mga kulugong natatagpuan sa may loob at labas ng ari ng lalaki at babae. Nagsisimula lamang ang mga kulugo bilang mga maliliit na butlig, na lumalaking tila mga koliplor sa paglaon.
Kasama sa mga nagiging kumplikasyon ng sakit ang pagkakaroon ng kanser sa leeg ng matris at sa puwit. Lalo ring dumarami at nagsisilaki ang mga butlig.
Naililipat sa ibang tao ang mga kulugo sa ari sa pamamagitan ng pakikipagtalik, partikular na nga kung mayroon nang mga kulugo ang taong kasiping.
May pagkakataon na mahawa ang sanggol mula sa inang may kulugo sa panahon ng pagsisilang.
Sa ganitong uri ng sakit, binibigyang lunas lamang ang kulugo. Hindi ginagamot ang birus sapagkat kahit na ipagamot nagpapatuloy pa rin ang pagiging nakakahawa nito. Nangyayari ang pagkahawa at pagsalin kahit walang napapansing mga palatandaan. Isinasagawa, dahil kailangan, ang paggawa ng pagsusuring Papanicolau (Ingles: pap smear o pap test) para sa mga kababaihan.
This article uses material from the Wikipedia Tagalog article Kulugo sa ari, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.