ఎన్‌ఫోర్స్‌మెంట్‌ డైరెక్టరేట్‌

ఈడీ భారత ప్రభుత్వంలోని ఆర్థిక మంత్రిత్వ శాఖలోని రెవెన్యూ శాఖలో భాగం. దీనిలో ఇండియన్ రెవెన్యూ సర్వీస్, ఇండియన్ పోలీస్ సర్వీస్, ఇండియన్ అడ్మినిస్ట్రేటివ్ సర్వీస్‌లకు చెందిన అధికారులతో పాటు రాష్ట్ర, కేంద్ర పాలిత ప్రాంత ప్రభుత్వాల్లో పని చేసే అధికారులు ఈడీకి డిప్యుటేషన్‌పై వస్తూ ఉంటారు.

ఈ సంస్థ తన కార్యకలాపాలను విస్తరించేందుకు ప్రాంతీయ కార్యాలయాలను ఏర్పాటు చేసింది. మేఘాలయ, కర్ణాటక, మణిపూర్, త్రిపుర, సిక్కిం వంటి రాష్ట్రాల్లో కార్యాలయాలను ఏర్పాటు చేసింది. మేఘాలయలోని ఇంఫాల్‌లో, షిల్లాంగ్‌లో కార్యాలయాన్ని ఏర్పాటు చేసింది. వీటికి డిప్యూటీ డైరెక్టర్ ర్యాంక్ అధికారి నేతృత్వం వహిస్తాడు. ఈ కార్యాలయాలు గువాహటిలోని జోనల్ కార్యాలయం-2 పరిధిలో పని చేస్తాయి.

కర్ణాటకలోని మంగళూరులో 2021 సెప్టెంబరులో ఓ కార్యాలయాన్ని ఏర్పాటు చేయగా, దీనికి డిప్యూటీ డైరెక్టర్ ర్యాంక్ ఆఫీసర్ నాయకత్వం వహిస్తున్నాడు. రాష్ట్రంలోని 15 జిల్లాలపై దీనికి అధికార పరిధి ఉంది. ఈశాన్య ప్రాంతంలో నాలుగో సబ్ జోనల్ ఆఫీస్‌ను గ్యాంగ్‌టక్‌లో 2021 అక్టోబరులో ఏర్పాటు చేసింది. అగర్తలలో సబ్ జోనల్ కార్యాలయాన్ని ఏర్పాటు చేసింది.

ఎన్‌ఫోర్స్‌మెంట్ డైరెక్టరేట్ ప్రధాన లక్ష్యం భారత ప్రభుత్వం కీలక చట్టాలైన ఫారిన్ ఎక్స్ఛేంజ్ మేనేజ్‌మెంట్ యాక్ట్ 1999 (ఫెమా), ప్రివెన్షన్ ఆఫ్ మనీ లాండరింగ్ యాక్ట్ 2002 (PMLA) , ది ఫ్యుజిటివ్ ఎకనామిక్ అఫెండర్స్ యాక్ట్, 2018 (FEOA) లను అమలు చేయడం.